Politike

“Fideli si doping natyral”/ Rama batuta në ceremoninë e fituesve të medaljeve olimpike: Ka bërë edhe Ogertën që të pëlqej sportin

Më tej, Rama u shpreh se vendi s’ka pasur dhe as nuk do të gjejë qeveri si kjo për sportin.

4 Shtator 2024, 11:12 Nga I.A

“Fideli si doping natyral”/ Rama batuta në ceremoninë e

TIRANË- Kryeministri Edi Rama ka shkëmbyer disa batuta me kreun e Komitetit Olimpik Kombëtar Shqiptar, Fidel Ylli dhe Ministren e Arsimit dhe Sportit, Ogerta Manastriliu. Gjatë ceremonisë së mirënjohjes për fituesit e medaljeve olimpike, Rama theksoi se Fidel Ylli është si doping natyral dhe ka bërë për vetë dhe Ogerta Manastirliun që të pëlqej më shumë sportin. Më tej, Rama u shpreh se vendi s’ka pasur dhe as nuk do të gjejë qeveri si kjo për sportin.

“Fideli e shpalli ambicien që në lojërat e ardhshme olimpike të shkojmë për të kërkuar më shumë, kjo është një dëshirë legjitime por kërkon mbështetje e organizim më të mirë, edhe ajo që tha lidhur me federatat të cilat janë drejtpërdrejt bartëse të potenciale që ne të marrim më shumë medalje, ka shumë rëndësi dhe ju siguroj që ne do të mbështesim me të gjitha mundësitë tona planin e Fidelit. Të financosh planin e Fidelit 100% duhet të kesh buxhetin e SHBA-ve.

Qeveri si kjo për sportin nuk ka pasur vendi më parë dhe nuk do ta gjejë më pas. Duhet vizion, ne e kemi. Duhet të kesh pasion për sportin, ne nuk na mungon por edhe kur na bie pak kemi Fidelin që është si doping natyral, aq doping natyral është sa e ka bërë edhe Ogertën që të jetë shumë herë më e tërhequr nga sporti seç ka qenë më para. Duhet patjetër edhe mbështetje, të gjitha këto besoj ne i kemi për t’i vendosur në dispozicion të Federatave e sportistëve dhe për ta filluar mbështetjen nga më të vegjlit. Në mënyrë që shoku Elez të vazhdojë denjësisht konkurrencën pozitive që ka me Fidelin qe rrjedh nga koha kur luftohej se kush ishin më të zgjuar mundësit apo peshëngritësit, më të shkathët më saktë”, tha Rama.

edi rama ogerta manastriliu

Sondazh

Poll

MË SHUMË