Politike

"Do të jenë funksionale javët e ardhshme", Meloni: Qendra e pritjes së emigrantëve në Lezhë, model inovativ

Ajo ka theksuar gjithashtu se janë hasur vështirësi operacionale në ngritjen e këtyre qendrave, ndërsa ka shpjeguar se qendrat e pritjes së emigrantëve në Shqipëri do të shërbejë dhe si një model inovativ për vendet e tjera, duke iu referuar disa deklaratave të bëra nga shtetet anëtare të BE-së.

30 Gusht 2024, 21:41 Nga r.ll
"Do të jenë funksionale javët e ardhshme", Meloni:
meloni ne shengjin

ITALI - Kryeministrja italiane Giorgia Meloni ka folur së fundmi lidhur me hapjen e qendrave të pritjes së emigrantëve të ndërtuara në Shëngjin dhe Gjadër. Meloni është shprehur se ato do të jenë funksionale në javët e ardhshme, ndonëse nuk ka specifikuar një datë.

Ajo ka theksuar gjithashtu se janë hasur vështirësi operacionale në ngritjen e këtyre qendrave, ndërsa ka shpjeguar se qendrat e pritjes së emigrantëve në Shqipëri do të shërbejë dhe si një model inovativ për vendet e tjera, duke iu referuar disa deklaratave të bëra nga shtetet anëtare të BE-së, shkruajnë mediat italiane. 

“Siç e dini, në javët e ardhshme qendrat e parashikuara nga memorandumi i mirëkuptimit me Shqipërinë do të jenë plotësisht funksionale për të përpunuar kërkesat për azil në territorin shqiptar, por nën juridiksionin italian dhe evropian. Në muajt e fundit, siç e dinë mirë Ministrat Plantosi dhe Crosetto, ne kemi hasur në vështirësi të ndryshme operacionale, por po i kapërcejmë ato një nga një sepse besojmë shumë në këtë projekt inovativ. Efektiviteti i tij i mundshëm tregohet nga mobilizimi jo vetëm i së majtës evropiane, por i OJQ-ve ndërkombëtare të cilat, siç e keni lexuar, po mobilizohen kundër Protokollit. Përveç se në të njëjtën kohë, shumica e shteteve anëtare të Bashkimit Evropian i kërkuan Komisionit që ta merrte atë si një model dhe si një zgjidhje inovative. Ne jemi të vetëdijshëm që do të jemi nën vëzhgim dhe për këtë arsye do të bëjmë gjithçka në mënyrën e duhur”, deklaroi Meloni.

giorgia meloni marreveshja per emigrantet

Sondazh

Poll

MË SHUMË