Kuvendi do të nis procedurat parlamentare për papajtueshmërinë e mandatit të deputetit socialist Vullnet Sinaj, pasi opozita e akuzon për përfitime në mënyrë të paligjshme nga fondet publike nëpërmjet disa prej kompanive në pronësi të tij.
TIRANA- Grupi Parlamentar i Partisë Demokratike publikoi të enjten urdhrin e Kryetares së Kuvendit për thirrjen e Këshillit për Mandatet dhe Rregulloren më 4 shtator, për diskutimin e mocionit të 1/10 së deputetëve për konstatimin e papajtueshmërisë së mandatit të Sinajt, i njohur si pronar i rrjetit “Big Market”.
Ky këshill është organizmi parlamentar që shqyrton nëse mocioni përmbush kriteret ligjore për t'u dërguar në Gjykatën Kushtetuese dhe harton një raport që ia dërgon seancës plenare.
Firmosësit e mocionit pretendojnë se kanë prova të mjaftueshme që provojnë shkeljen e Kushtetutës nga deputeti Sinaj, pasi ai ka përfituar fonde publike në në kundërshtim me pikën 3, të nenit 70 të Kushtetutës, i cili ndalon deputetit që të përfitojë pasuri publike.
Në mocionin e tyre sillen dokumente të disa pagesave të bëra nga drejtoria e Përgjithshme e Thesarit kundrejt disa kompanive të cilat sipas ekstrakteve në regjistrin e Qendrës Kombëtare të Biznesit, që sipas PD-së janë në pronësi të deputetit socialist.
Sinaj ka mohuar që të ketë përfituar drejtpërdrejt fonde publike. Në një reagim në fillim të gushtit kur akuzat u bënë publike ai pretendoi se ka hequr dorë nga administrimi i të gjitha kompanive të tij që nga viti 2017 kur vendosi t'i futej politikës.
“Me vendimet e depozituara në QKB në vitin 2017, kam vendosur transferimin e të gjitha kuotave të kompanive, sipas ligjeve në fuqi”, shkruajti ndër të tjera Sinaj në një reagim në platformën Facebook.
Por, PD pretendon se marrëveshjet e bëra nga Sinaj nuk e kanë shmangur atë si përfitues dhe zotërues i aksioneve të kompanive dhe për rrjedhojë dhe përfitimeve të tyre.
“Përmes këtyre marrëveshje rezulton se është bërë vetëm transferimi i kuotave dhe jo tjetërsimi i tyre, duke kaluar nga “zotërues aktiv i aksioneve” në “zotërues pasiv i aksioneve” për shkak të caktimit të “një personi të besuar””- pretendohet në mocion.
Sipas këtij pretendimi, në asnjë rast Sinaj nuk ka humbur të drejtën për të marrë fitimet nga shoqëria dhe se kjo verifikohet dhe në deklaratat e tij të pasurisë vit pas viti.
Firmosësit e mocionit pretendojnë se janë të paktën 9 transaksioneve të verifikuara nga thesari i shtetit në shumën totale 3.689.814 lekë që kanë shkuar si pagesa për shoqëritë “BIGALB GROUP” sh.p.k., “BIG LISUS” sh.p.k., “BIG DURRËSI” sh.p.k., “BIG PESHKOPIA” sh.p.k., “BIG ROI” sh.p.k., “BIG LEO” sh.p.k., “BIG LEZHA” sh.p.k., “BIG DRINI” sh.p.k., “BASHKIMI” sh.p.k., “TIRANA CASH & CARRY” sh.p.k.
Pagesat duket se janë bërë për furnizime me ushqime për ente të ndryshme publike./ BIRN
Edi Rama TIRANA- Vjeshta do të nisë me mbledhje në Dajt për kabinetin qeveritar. Mësohet se më 1 Shtator, kryeministri E...
Foto ilustruese HIMARA- Vetëm tetë ditë pas zgjedhjeve për kryebashkiakun e ri, këshilli bashkiak i Himarës u mblodh n&e...
Foto nga inagurimi TIRANA- Kryeministri Edi Rama ka marrë pjesë në hapjen e spitalit ditor brenda Qendrës Spitalore Universitare &...
Vullnet Sinaj TIRANË- Kryetarja e Kuvendit Elisa Spiropali ka vendosur mbledhjen e Këshillit për Rregulloren edhe Mandatet për të ...
Vullnet Sinaj TIRANË- Kryeministri dhe njëkohësisht kryesocialisti Edi Rama njoftoi nga Kongresi i Partisë Socialiste i...
Klevis Balliu TIRANË- Shefi organizativ në Partinë Demokratike, Klevis Balliu tha se drejtësia duhet të funksionojë me integr...
Belind Këllici TIRANË- Anëtari i Kryesisë së PD-së, Belind Këlliçi ka deklaruar se demokratët nuk do të...
Ilda Zhulali TIRANË- Anëtarja e këshillit Bashkiak të Partisë Demokratike, Ilda Zhulali ka marrë pjesë sot në prote...
Rezart Kthupi TIRANË- Kryetari i Lëvizjes për Zhvillim Kombëtar, Dashamir Shehi, ka paditur në Gjykatën Kushtetuese ndryshime...
foto ilustruese TIRANË- Ka nisur protesta e 23-të para Bashkisë së Tiranës. Qytetarët janë mbledhur para godinë...