Sport

Luis Enrique zbulon se kush është lideri i PSG-së, pas largimit të Mbappe…

Trajneri asturian nuk beson në individualitete por në grup

15 Gusht 2024, 17:30 Nga DOSJA

Luis Enrique zbulon se kush është lideri i PSG-së, pas largimit

FRANCE - “Lideri i skuadrës është klubi dhe lojtarët, për të dhënë gjithçka”, përfundoi trajneri i Paris Saint-Germain (PSG) , Luis Enrique, këtë të enjte, kur u pyet nëse skuadrës do t'i mungojë prania e një talenti si Kylian Mbappé këtë sezon.

Në një konferencë për shtyp para ndeshjes së parë të ligës franceze, ku PSG-në do të përballet në shtëpi me Le Havre, ‘Lucho’ siguroi se është “shumë i lumtur dhe i kënaqur” me skuadrën që ka.

Ai kujtoi se është gjithmonë më mirë të kesh katër lojtarë që shënojnë nga 12 gola, sesa një që shënon 40 dhe shpjegoi se, ndërsa më parë të gjithë lojtarët prireshin të kërkonin Mbappen për talentin e tij para portës, tani për skuadrën e tij hapet një gamë e tërë mundësish.

Duke parë përpara sezonin e ri, i cili duket i gjatë me Kupën e Botës për Klube në verë, Luis Enrique ishte optimist për shkathtësinë dhe numrin e lojtarëve që ka në dispozicion, megjithëse nuk përjashtoi shtesat në minutën e fundit.

Nëse rivalët e mëdhenj për të sfiduar PSG-në për fronin e ligës franceze, si Monaco apo Olympique Marseille, janë forcuar më mirë, është diçka "që do të shihet gjatë gjithë sezonit", vuri në dukje ai.

Por Luis Enrique i konsideron nënshkrimet të mjaftueshme, sidomos duke pasur parasysh se skuadra solli shumë përforcime sezonin e kaluar. “Tregu është ai që është”, theksoi ai, “është i vështirë për të gjitha ekipet”.

Skuadra tani ka një profil më të ri dhe Luis Enrique tregoi se është një projekt "afatmesëm", me lojtarë që ai i konsideron se po përmirësohen në ekip "pavarësisht moshës së tyre".

Duke parë ndeshjen e nesërme, ai vuri në dukje se prioritet i është dhënë pushimit të lojtarëve, ndaj Le Havre do të jenë ata me më tepër stërvitje, edhe pse kjo nuk do të ishte një “justifikim” për një paraqitje të keqe.

B.T (Dosja.al)