Sport

Me Gallagher dhe Julián, te Atlético Madrid problem çështja e ekstrakomunitarëve!...

Anglezi dhe argjentinasi do të jenë zyrtarisht përforcimet e radhës për bardhekuqtë e Madridit

10 Gusht 2024, 11:18 Nga DOSJA
Me Gallagher dhe Julián, te Atlético Madrid problem

SPANJE - Conor Gallagher dhe Julián Álvarez do të jenë zyrtarisht blerjet e ardhshme të Atlético Madridit, pas Robin Le Normand dhe Alexander Sorloth. Anglezi tashmë po stërvitet nën urdhrat e Diego Simeone dhe argjentinasi planifikon të kalojë ekzaminimet mjekësore të hënën, parakusht për nënshkrimin e kontratës dhe zyrtarizimin.

Me këta dy lojtarë në skuadër, shumë tifozë pyesin se si është çështja e shtetasve ekstrakomunitarë te Atlético. Tashmë në skuadër janë dy lojtarë me këtë gjendje, Nahuel Molina dhe Samu Lino. Të dy kanë nga dy vjet që banojnë në Spanjë.

Gallagher është anglez dhe që kur Brexit hyri në fuqi në 2021, ai është nuk është më anëtar i BE-së. Tashmë janë tre. Zgjidhja është përmes Julián Álvarez, pasi argjentinasi ka edhe një pasaportë italiane, e cila do t'i lejojë Atléticos të mos e kalojë kuotën.

Problemi vjen me Santiago Mouriño. Uruguajani është jashtë BE-së, kështu që nuk do të kishte vend në skuadër, edhe nëse do të bindte Diego Simeone. Kështu, gjithçka tregon se ai do të huazohet në një ekip të Kategorisë së Parë, ndonëse ka interes edhe për Portugalinë.

Atlético mund të eksplorojë edhe një rrugë tashmë të ndjekur vitin e kaluar nga Real Madrid me  Jude Bellingham, i cili kërkoi një pasaportë irlandeze, për të mos u konsideruar si lojtar i huaj. Gallagher është nga një familje irlandeze nga ana e babait të tij, kështu që ai gjithashtu mund ta kërkojë atë, për të shmangur marrjen e një pozicioni të një lojtari ekstrakomunitar. 

B.T (Dosja.al)

Sondazh

Poll

MË SHUMË