TIRANË– Qeveria ka vendosur që këtë fundvit, në kushtet e gjendjes së jashtëzakonshme në tre qarqe si pasojë e tërmetit 7 ballësh të 26 nëntorit, të mos japë shpërblim për festat.
Në vendimin e qeverisë të nënshkruar nga kryeministri Edi Rama, i cili u miratua më 6 dhjetor, shkruhet qartë se do të ndalohet përdorimi i fondit të veçantë për festat dhe shpërblimet në administratë dhe institucionet shtetërore.
Megjithatë në vendimin e marrë ende nuk sqarohet saktësisht se ku do të shkojnë fondet e shpërblimit, të cilët kësaj herë nuk do të merren. Shuma e caktuar për shpërblimet mund të akordohet për të ndihmuar banorët në zonat e prekura nga tërmeti.
VENDIMI I PLOTË
Nr. 781, datë 6.12.2019 për një ndryshim në vendimin nr.929, datë 17.11.2010, të këshillit të ministrave, “për krijimin dhe përdorimin e fondit të veçantë”, të ndryshua. Në mbështetje të nenit 100 të Kushtetutës, të nenit 4, të ligjit nr. 10405, datë 23.4.2011, “Për kompetencat për përcaktimin e pagave dhe të shpërblimeve”, dhe të nenit 11, të ligjit nr. 99/2018, “Për buxhetin e vitit 2019”, të ndryshuar, me propozimin e ministrit të Financave dhe Ekonomisë, Këshilli i Ministrave
VENDOSI:
1. Pika 9, e vendimit nr. 929, datë 17.11.2010, të Këshillit të Ministrave, të ndryshuar, riformulohet, si më poshtë vijon: “9. Përjashtimisht për vitin 2019, fondi i veçantë i institucioneve qendrore, buxhetore dhe jobuxhetore, institucioneve të vetëqeverisjes vendore, njësive të fondeve speciale, institucioneve publike, të krijuara me ligj të posaçëm, ndërmarrjeve dhe shoqërive tregtare me kapital mbi 50% shtetëror, në varësi të institucioneve qendrore dhe të vetëqeverisjes vendore, nuk do të përdoret për veprimtari social-kulturore dhe shpërblimin e punonjësve.”.
2. Ngarkohen institucionet e përmendura në pikën 1 për zbatimin e këtij vendimi.
Ky vendim hyn në fuqi menjëherë dhe botohet në Fletoren Zyrtare.
KRYEMINISTËR
Edi Rama
Ndërkohë më herët Rama gjatë mbledhjeve të Këshillit të Ministrave u ka thënë të gjithë ministrave dhe të gjithë drejtorëve se këtë vit nuk do ketë asnjë festë me lekët e shtetit për fundvit.
Për shkak të tërmetit të 26 nëntorit, qeveria shpalli gjendjen e jashtëzakonshme në tre qarqe: Durrës, Kurbin dhe Tiranë. Pasojat e lëkundeve që shënuan 7 ballë ishin 51 persona të vdekur, 913 të plagosur dhe 47 të shpëtuar. Edhe pse kanë kaluar më shumë se 2 javë nga tërmetit toka ende dridhet nga paslëkundjet, të cilat përgjithësisht kanë pasur intensitet të ulët. Tashmë ka nisur puna për idenftifikimin e dëmeve dhe paralelisht po mblidhen fonde për të rikuperuar humbjet e shkaktuara nga fatkeqsia e tërmetit.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
DURRËS- Kreu i Partisë Demokratike në Durrës, Ferdinand Xhaferri, ka bërë një denoncim kundër qeverisë në lidhje me ndihmën e banorëve pas tërmetit tragjik...
TIRANË– Ish-ministri i Drejtësisë Ylli Manjani ka komentuar pretencën për të akuzuarit e dosjes “Babale”. Përmes një postimi në “Facebook”, Manjani shprehe...
DURRËS– Një grua ka kërkuar që ta përqafojë kryeministrin Edi Rama, teksa ky i fundit vizitoi familjet e prekura nga tëmreti në Shijak. Ndërkohë që Rama po...
TIRANË- Kreu i Partisë Demokratike, Lulzim Basha ka reaguar pas leximit të pretencës nga Prokuroria për Ervin Salianjin dhe kërkonte 1 vit e 6 muaj burg pë...
TIRANË- Prokuroria e Tiranës ka dhënë sot pretencën për të akuzuarit e dosjes “Babale”. Organi i akuzës ka kërkuar dënimin me 3.6 vite burg për Albert Veli...
TIRANË– Në përfundim të seancës sotme gjyqësore, Ervin salianji ka thënë para gazetarëve se denimi që ka kërkuar sot Prokuroria është një masë e kërkuar nd...
TIRANË- Nënkryetari i Partisë Demokratike Edmond Spaho në një deklaratë për mediat hodhi akuza drejt prokurorit Kolë Hysenaj, se vendimet e tij për dosjen...
TIRANË– Presidenti Ilir Meta sapo ka publikuar videon e paralajmëruar, ku sipas tij kreu i shtetit vërteton sesi u përdor Ardian Dvorani. Video e publikua...
DURRËS– Kryeministri Edi Rama është përballur me një grua të emocionuar nga fakti që vajza i ishte punësuar. Teksa Rama vizitoi familjet e prekura nga tërm...
Tiranë- Për draftin e PS-së për propozimet e ligjore për procedurën e betimit të anëtarëve të Gjykatës Kushtetuese ka reaguar edhe Presidenti Ilir Meta.Meta ësh...