Sport

E FUNDIT!... De Bruyne nuk do të shkojë në Arabinë Saudite, zbulohet arsyeja

Pep Guardiola, trajneri i Manchester Cityt, e di se kë duhet të falënderojë për dosjen e Kevin de Bruyne!

26 Korrik 2024, 19:10 Nga DOSJA
E FUNDIT!... De Bruyne nuk do të shkojë në Arabinë Saudite,

ANGLI - Vitin e kaluar, Arabia Saudite tronditi futbollin evropian duke pushtuar tregun e transferimeve. Në harkun kohor të pak javëve, Neymar, Sadio Mané, Karim Benzema, N'Golo Kanté, Fabinho, Seko Fofana, Riyad Mahrez dhe madje Aymeric Laporte vendosën t'i thonë lamtumirë kontinentit të vjetër për t'u vendosur në Gji.

Dhe për këtë edicion të afatit kalimtar të vitit 2024, sauditët synojnë të japin goditje të reja të mëdha, por një rrugë veçanërisht tërheqëse më në fund është braktisur, ajo që të çon te Kevin de Bruyne.

Familja De Bruyne thotë “Jo”!

Mesfushori sulmues i Mançester Sitit ishte në fokusin e Al-Ittihad, klubi i Karim Benzema dhe N'Golo Kante, me skuadrën saudite që i ofroi atij një kontratë të jashtëzakonshme prej 184 milionë euro për tre vjet.

Ky i fundit padyshim e kishte pranuar këtë propozim, por sipas informacioneve të Daily Star, ndërkombëtari belg u detyruar përfundimisht do ta refuzojë këtë. Arsyeja?

Familja e tij nuk mund ta imagjinojë se mund të largohet nga veriu i Anglisë për në Arabinë Saudite. Prandaj, mjeshtri i lojës së Pep Guardiolës do të vazhdojë të paktën edhe një sezon te Citizens, një goditje e madhe në afatin kalimtar të Al-Ittihad.

B.T (Dosja.al)

Sondazh

Poll

MË SHUMË