Politike

"Më mirë grup rebel, se sa një grupi kriminal...”, Sula: Merrni masa që në tre mujorin e parë të 2025

Sula tha se deri atëherë duhet të jetë miratuar rezoluta për secilën prej tyre, duke pasur parasysh që 2025 është edhe një vit zgjedhor.

25 Korrik 2024, 11:22 Nga M.B
"Më mirë grup rebel, se sa një grupi kriminal...”,
Dashnor Sula

TIRANA- Deputeti i PD Dashnor Sula i ka bërë thirrje kryetares së Kuvendit Lindita Nikolla, që në tre mujorin e parë të vitit të ardhshëm, të ketë përfunduar raportimi i institucioneve të pavarura në Kuvend. Sula tha se deri atëherë duhet të jetë miratuar rezoluta për secilën prej tyre, duke pasur parasysh që 2025 është edhe një vit zgjedhor.

“Kolegu i cili na përmendi që nuk di a jemi grup apo jo, më mirë them të jemi grup normal apo rebel se sa një grup me nuanca të një grupi të strukturuar kriminal. Edhe seanca e sotme si dy të tjerat para saj, ka tendencë të zgjasë deri në orët e para të mëngjesit. Kemi 25 institucione të pavarura që raportojnë në Parlament.

Të paktën të kemi parasysh për vitin tjetër, që është vit zgjedhor, nëse do trajtohet Kuvendi si një ndërmarrje e do vijojë praktika që në korrik të viti tjetër të raportojnë në Kuvend, ngelet që institucionet e pavarura të jenë pa raportuar e pa rezoluta. 3 mujori i parë i 2025 këto institucione të raportojnë e t’u miratohet rezoluta”, tha Sula.

 

Sondazh

Poll

MË SHUMË