Politike

I zhvatën para biznesmenit të njohur në emër të tij, reagon kryebashkiaku i Lezhës: Sapo zbuluam situatën, bëmë denoncim

Ai iu bëri thirrje personave që kanë pre e këtij mashtrimi të bëjnë denoncimet e tyre tek autoritetet.

23 Korrik 2024, 16:57 Nga r.ll
I zhvatën para biznesmenit të njohur në emër të tij,
pjerin ndreu

LEZHË- Kryebashkiaku i Lezhës, Pjerin Ndreu ka reaguar pasi u zbulua se tre persona i zhvatën një shumë parash të konsiderueshme, biznesmenit të njohur Ylli Ukja. 

Ndreu, përmes një postimi në Facebook, konfirmon rastin e mashtrimit dhe shton më tej se sapo e kanë zbuluar situatën kanë bërë denoncimin në polici. Ai iu bëri thirrje personave që kanë pre e këtij mashtrimi të bëjnë denoncimet e tyre tek autoritetet. 

“Një mik, biznesmen nga Lezha, ka rënë pre e një mashtrimi, ku disa shtetas, të panjohur për mua, kanë përdorur emrin tim për t’i marrë para! Para ca ditësh ne e kapëm situatën, denoncuam dhe u bë e mundur kapja e autorëve nga ana e Policisë Lezhë. Nëse ka persona të tjerë që kanë rënë pre e këtij mashtrimi, ju lutem të denonconi në polici”, shkruan kryebashkiaku.

Të arrestuarit Shkëlqim Domi 35 vjeç dhe Saimir Sallaku 37 vjeç, të dy banues në Shijak, bashkëpunëtori i tyre në kërkim, Shefik Kurti, 63 vjeç, përmes aplikacionit "Signal", hiqeshin si përfaqësues të institucioneve vendore, dhe kontaktonin persona të ndryshëm nga të cilët përfitonin shuma parash.

pjerin ndreu ylli ukja

Sondazh

Poll

MË SHUMË