Xhaxhai i Aleks Nikës, Mark Nika është shprehur se SPAK duhet të bëjë drejtësi për 21 janarin dhe të hetojë çështjen pa u ndikuar nga politika.
TIRANË- Pas nisjes së hetimeve nga SPAK për çështjen e "21 janarit" kanë reaguar familjarët e Aleks Nikës që humbi jetën në demonstratat e asaj kohe. Xhaxhai i Aleks Nikës, Mark Nika ka folur për News24, ku është shprehur se SPAK duhet të bëjë drejtësi për 21 janarin dhe të hetojë çështjen pa u ndikuar nga politika. Nika shprehet se kanë paditur ish-kryeministrin, Sali Berisha, ish-ministrin e Brendshëm të asaj kohe, Lulzim Bashën dhe ish-kreun e Gardës, Ndrea Prendin.
"Besojmë se tashmë SPAK duhet të bëjë drejtësi për 21 Janarin. SPAK duhet të hetojë nga fillimi deri në fund 21 Janarin me objektivitet dhe i pandikuar nga politika. SPAK nisi hetimin pas urdhrit nga Gjykata e Lartë dhe Gjykata Evropiane. Kërkojmë drejtësi dhe nuk do të dorëzohemi deri në fund. SPAK duhet ta hetojë sa më shpejt 21 Janarin, provat janë aty. Duam drejtësi, të hetohet e gjithë kupola e shtetit, 21 janarin është krim shtetëror. Kemi paditur ish-kryeministrin, Sali Berisha në atë kohë, ish ministrin e Brendshëm, Lulzim Basha dhe ish kreun e Gradës, Ndrea Prendin. Nëse nuk bëhet drejtësi për 21 janarin, sistemi i drejtësisë është i rënë. Thirrje politikës mos të ndikojë te drejtësia. Kemi besim te SPAK”, tha Mark Nika.
Pak më herët sot, Prokuroria e Posaçme njoftoi se ka nisur hetimet për çështjen "21 janari". SPAK njoftoi se ka regjistruar procedimin penal nr. 138, për veprat penale, “Vrasja në rrethana të tjera cilësuese”, “Shpërdorim i detyrës” dhe “Kryerja e veprimeve që pengojnë zbulimin e së vërtetës”, të kryera në bashkëpunim. Ky procedim penal është regjistruar për ngjarjen e ndodhur më 21 janar të 2011, ku gjatë një mitingu të organizuar nga opozita politike e asaj kohe përpara Kryeministrisë, është vrarë shtetasi Aleks Nika, si dhe janë plagosur shtetasit Artes Dybeli, Ilia Qesko dhe Ilia Papa. Në njoftimin zyrtar thuhet se, në rastin e "21 janarit" hetimi i veprave penale është në kompetencën lëndore të Prokurorisë së Posaçme, pasi dyshohet se veprat penale mund të jenë kryer nga ish-funksionarë të lartë shtetërorë, gjatë ushtrimit të detyrës.
vendngjarja KORÇË- Janë zbardhur detaje të reja nga të shtënat e raportuar paraditen e sotme në lagjen nr.15 në K...
foto ilustruese ANGLI- Dënohen me burg katër shqiptarë në Angli. Mësohet se Mikel Hasani 28 vjeç, Martin Kurti 27 vje&...
Foto ilustruese MEMALIAJ- Një 72-vjeçar është gjetur i pajetë mëngjesin e sotëm në Memaliaj. Mësohet se shka...
vendngjarja KORÇË- Janë zbardhur detaje të reja nga të shtënat në lagjen nr.15 në qytetin e Korçës. A...
foto ilustruese VELIPOJË- Procedohet penalisht i mituri në Velipojë. Mësohet se një 15-vjeçari gjatë kontrollit f...
vendngjarja KORÇË- Të shtëna me armë zjarri janë raportuar pak më herët në Korçë në la...
pamje nga lënda narkotike e gjetur ANGLI- Dënohet me 28 muaj burg një shqiptar në Angli. Mësohet se Mirban Pasha 34 vje&ccedi...
SPAK TIRANË- Prokuroria e Posaçme ka nisur hetimet për çështjen "21 janari". SPAK ka njoftuar se ka regjistruar proc...
erzen brecani TIRANË- Apeli i Gjykatës së Posaçme ka vendosur lirimin nga qelia ish-shefit të policisë, Erzen Breça...
Foto ilustruese DIBËR- Prej ditësh një vatër zjarri është aktive në fshatin Gur Lurë në afërsi t&eum...