Sport

Conference League/ Vllaznia e pafat, i ikën fitorja nga duart në fund ndaj Valur-it...

Vetëm për pak sekonda Vllaznisë i iku fitorja nga duart dhe 2-2. Islandezët, kundërshtar i mundshëm për t’u mposhtur në “Loro Boriçi”

12 Korrik 2024, 02:14 Nga DOSJA
Conference League/ Vllaznia e pafat, i ikën fitorja nga duart në fund

ISLANDE - Vllaznia ishte shumë pranë një fitoreje me përmbysje në raundit e parë kualifikues të Conference League. Teksa dukej se po fitonin 2-1 përballë Valurit të Islandës, shkodranët ndëshkohen në minutën e nëntë shtesë, duke barazuar 2-2 dhe shkaktuar keqardhje e madhë në radhët e kuqebluve për atë gol të pësuar “in extremis”.

Vllaznia, edhe pse pësoi gol që në minutën e 12-të (realizoi Tryggvasoon), ia doli të përmbyste shifrat falë golave të Krymit dhe Dodajt.

Mesfushori kuqeblu barazoi shifrat në minutën e 23-të, ndërsa sulmuesi 18-vjeçar e dërgoi topin në rrjetë në të 85-tën, pak minuta pasi Deliu kishte marrë kartonin e dytë të verdhë, duke e lënë Vllazninë në inferioritet numerik.

Në kohën shtesë ekipi shkodran u përpoq me të gjitha mënyrat për të mbrojtur fitoren, por në sekondat e fundit u ndëshkua nga Heimisson (90’+9).

Gjithsesi, në ndeshjen e kthimit pas një jave në “Loro Boriçi”, Vllaznia, e cila do ët ketë edhe mbështetjen e tifozëve të saj, i ka të gjitha mundësitë për ta mposhtur këtë kundërshtar dhe kaluar në turin e dytë…

B.T (Dosja.al)

Sondazh

Poll

MË SHUMË