Sport

Ja sa kushton bileta më e lirë dhe më e shtrenjtë për në finalen e Copa América…

Argjentina dhe Kolumbia do të përballen me njëra-tjetrën në orët e para të së hënës në finalen e Copa América

11 Korrik 2024, 16:39 Nga DOSJA
Ja sa kushton bileta më e lirë dhe më e shtrenjtë për

SHBA - Argjentina dhe Kolumbia do të përballen me njëra-tjetrën në orët e para të së hënës në stadiumin Hard Rock në Miami, në finalen e Copa América. Dy skuadrat kanë arritur në finale pa humbur asnjë ndeshje, një rekord fitoresh që do të tentojnë ta zgjasin deri në ditën e finales.

Albiceleste dhe trengjyrëshitë kolumbianë kanë llogaritur gjatë gjithë kampionatin tifozë, që nuk do të mungojnë edhe të hënën... ndonëse çmimi për të mbështetur skuadrën e tyre në ndeshje nuk është i lirë.

Sipas platformës Ticketmaster, bileta më e lirë për finalen e Copa América kushton 2249.48 dollarë, rreth 2.000 euro sipas kërkimit të kryer herët në mëngjesin e kësaj të enjte. Vendndodhja e këtyre lokacioneve është në pjesën më të lartë të një stadiumi, pas portës.

Vetë bileta kushton 1.887 dollarë (1.733 euro), por kësaj shume duhet t'i shtojmë 358.53 dollarë (328 euro) për "tarifat e shërbimit" dhe 3.95 të tjera për "tarifat e tjera të përpunimit".

Çmimi i biletës më të shtrenjtë

Sipas të njëjtës platformë të përmendur më lart, Ticketmaster, bileta më e shtrenjtë kushton 11.903.95 dollarë (10.900 euro) dhe ishte e disponueshme në disa zona të stadiumit. 

Tarifa e hyrjes si e tillë arrin në 10.000 dollarë (9.100 euro), por ju duhet të paguani gjithashtu 1.900 dollarë (1.745 euro) për "tarifat e shërbimit" dhe 3.95 për "tarifat e tjera të përpunimit".

B.T (Dosja.al)

Sondazh

Poll

MË SHUMË