Sport

Gregg Berhalter shkarkohet si trajner i kombëtares së Shteteve të Bashkuara

Pas eliminimit në fazën e parë të Copa América

11 Korrik 2024, 17:37 Nga DOSJA
Gregg Berhalter shkarkohet si trajner i kombëtares së Shteteve të

SHBA - Trajneri Gregg Berhalter u largua nga komanda teknike e kombëtares së SHBA-së, pas eliminimit të tyre në fazën e parë të Copa América, njoftoi të mërkurën federata e Amerikës së Veriut.

Gregg Berhalter, 50 vjeç, ka përfunduar përvojën e tij të dytë në 10 muajt e fundit si trajner i kombëtares së Amerikës së Veriut, të cilën e kishte drejtuar tashmë midis 2018 dhe 2022, me synimin për të "ndryshuar përgjithmonë futbollin në Shtetet e Bashkuara".

Megjithatë, ai nuk shkoi përtej shtatë fitoreve, gjashtë humbjeve dhe një barazimi, në këtë eksperiencë të dytë, në të cilën ai pasoi BJ Callaghan të përkohshëm, që e kishte zëvendësuar, duke shënuar gjithsej 44 fitore, 17 humbje dhe 13 barazime.

Mikpritësit e Copa América, Shtetet e Bashkuara nuk arritën të kualifikoheshin në çerekfinale, duke përfunduar në vendin e tretë në Grupin C, pas Uruguajit dhe Panamasë dhe pak përpara Bolivisë.

Ndeshjet e ardhshme të Shteteve të Bashkuara janë planifikuar për në shtator, me miqësoret kundër Kanadasë dhe Zelandës së Re.

Shtetet e Bashkuara do të organizojnë Kupën e Botës 2026, së bashku me Kanadanë dhe Meksikën, pasi kanë pritur tashmë kompeticionin më të madh të futbollit në botë në vitin 1994.

Gregg Berhalter ishte një qendërmbrojtës, me periudha në klube evropiane, si Crystal Palace ose 1860 Mynich, duke luajtur 44 ndeshje për ekipin e Amerikës së Veriut, duke përfshirë edhe paraqitjet në Kampionatin Botëror të 2002 dhe 2006.

Në detyrën e tij të parë si trajner i Shteteve të Bashkuara, Berhalter fitoi Kupën e Artë dhe edicionin e parë të Ligës së Kombeve CONCACAF, të dyja në vitin 2021, me fitoret ndaj Meksikës në të dyja finalet.

Berhalter kualifikoi Shtetet e Bashkuara edhe në Kupën e Botës 2022, të zhvilluar në Katar, ku amerikanët u eliminuan në 1/16 kundër Holandës.

B.T (Dosja.al)

Sondazh

Poll

MË SHUMË