Politike

Takimi i Federatës së Opozitës/ Cara: 11 korriku nuk do të jetë protesta e opozitës, por e shqiptarëve

Po ashtu ka theksuar se do të protestojnë për të gjithë qytetarët që janë grabitur, vjedhur dhe detyruar të largohen nga vendi. 

5 Korrik 2024, 13:37 Nga I.A
Takimi i Federatës së Opozitës/ Cara: 11 korriku nuk do të
Igli Cara

TIRANË- Takimi i Federatës së Opozitës ka bërë bashkë të gjithë anëtarët që të jenë dakord për protestën kombëtare të 11 Korrikut. Ish-kandidati për Bashkinë e Durrësit Igli Cara, ka deklaruar në mbledhje se kjo protestë do të jetë e shqiptarëve dhe jo vetëm e Opozitës. Po ashtu ka theksuar se do të protestojnë për të gjithë qytetarët që janë grabitur, vjedhur dhe detyruar të largohen nga vendi. 

"Për një Shqipëri me shpresë e besim! Çdo takim një hap më shumë drejt bashkimit, për të ndalur këtë pengmarrje të Shqipërisë dhe shqiptarëve. Çdo ditë e më shumë kësaj qeverie po i çirret maska, duke nxjerrë në dritën e diellit të vërtetat edhe për ata, që nuk duan të shohin. Rama & Co janë mallkim i këtij vendi, që po zbrazet dita-ditës, sipas strategjisë së mirëmenduar dhe të vënë në zbatim në më shumë se 10 vite. Në çdo sektor, pa kursyer as shëndetësinë, ku bëhet fjalë për jetën, po grabiten paratë e shqiptarëve. Bashkë në 11 korrik për të protestuar për pagat dhe pensionet mishëruese; për pronat dhe taksat e vjedhura; për shëndetësinë që, jo vetëm nuk është falas, por të zhyt në borxhe; për shkollat, që po boshatisen; për ekonominë e zhytur në krizë; për Shqipërinë e premtuar në 3D, por të grabitur në realitet! 11 korriku nuk do të jetë protesta e opozitës, por e shqiptarëve," tha Cara.

igli cara

Sondazh

Poll

MË SHUMË