Politike

KQZ i heq mandatin kryebashkiakut të zgjedhur të Himarës Fredi Belerit

Kryekomisioneri, Ilirjan Celibashi tha se mandati është i pavlefshë dhe se ankimimi për këtë vendim që hyn në fuqi menjëherë, mund të bëhet brenda 30 ditëve.

5 Korrik 2024, 11:19 Nga r.ll
KQZ i heq mandatin kryebashkiakut të zgjedhur të Himarës Fredi
ilirjan celibashi

TIRANË- Komisioni Qendror Zgjedhor i ka hequr mandatin kryebashkiakut të zgjedhur të Himarës, Fredi Belerit.

Kryekomisioneri, Ilirjan Celibashi tha se mandati është i pavlefshëm dhe se ankimimi për këtë vendim që hyn në fuqi menjëherë, mund të bëhet brenda 30 ditëve.

Celibashi po ashtu tha se vendimi i KQZ nuk u nxit sipas tij nga askush përveçse nga ligji dhe Kushtetuta. Ai tha po ashtu se ishte në kompetencën e plotë dhe të rregullt shqyrtimi i mandatit të Belerit. 

Celibashi: Nuk është çështja e KQZ ca bëjnë institucionet e tjera, qeveria, kryeministri. Është përgjegjësia e tyre. Vendimmarrja e KQZ nuk është e kondicionuar nga se çfarë bëjnë institucionet e tjera, vendimmarrja e KQZ përcaktohet në këtë rast nga ligji për dekriminalzimin. Kemi një kryetar bashkie të zgjedhur që nuk e ka ushtruar detyrën. Për KQZ, kjo s’ka rëndësi në kuptim të ligjit. Mund të ishte edhe në kushtet kur ushtronte detyrën. Kur verifikohet që ka kryer një vepër penale a e ka kompetencën KQZ për ta zhvlerësuar këtë mandat? Po, e ka të drejtë dhe këtij ligji i nënshtrohen më shumë akoma ata të cilët e kanë marrë ata detyrë. Ty ligji të ndalon të mos kandidosh në disa kushte dhe ta ushtrosh kur verifikohen kushtet e ndalimit. Jemi në kushtet e humbjes së mandatit të kryetarit të Bashkisë Himarë, Fredi Beleri dhe e shpallim të pavlefshëm këtë mandat. Mund të bëhet ankimi i këtij vendimi brenda 30 ditëve. Vendimi hyn në fuqi menjëherë dhe do të publikohet në faqen elektronike të internetit të KQZ

ilirjan celibashi fredi beleri

Sondazh

Poll

MË SHUMË