Aktualitet

VIDEO/ Abuzimet me fondet e BE, BKH dhe policia ushtrojnë kontrolle në bizneset dhe banesat e të arrestuarve, mes tyre dhe të ish-ministrit Beqaj

Po ashtu pritet që SPAK të sekuestrojë të gjitha praktikat financiare të kompanive të ndryshme.

4 Korrik 2024, 12:51 Nga r.ll
VIDEO/ Abuzimet me fondet e BE, BKH dhe policia ushtrojnë kontrolle në
foto nga kontrollet

TIRANË- SPAK kërkoi sot zbatimin e masave të sigurisë të lëshuara nga GJKKO lidhur me abuzimet e fondeve të BE në SASPAC. Në pranga u vu ish-ministri i Shëndetësisë Ilir Beqaj, bashkë me dy bashkëpunëtorët e tij, Ermal Kurtulaj dhe Alfred Nikolla. 

 

Pas ekzekutimit të masave të sigurisë, policia dhe BKH aktualisht po kryejnë kontrolle në agjencinë e BE të fondeve, SASPAC dhe gjithashtu në banesat e të arrestuarve dhe zyrat e tyre.

 

Agjentë të Byrosë Kombëtare të Hetimit (BKH), të shoqëruar me efektivë policie, mbërritën mëngjesin e kësaj të enjteje në zyra të kompanive private në rrugën “Themistokli Gërmenji” ku dyshohet se janë prerë fatura fiktive në dëm të donatorëve evropianë. Po ashtu pritet që SPAK të sekuestrojë të gjitha praktikat financiare të kompanive të ndryshme.

Ndërkohë masa e sigurisë "arrest në shtëpi" u caktua për Gazmend Haxhinë dhe Elton Marinin, ndërsa masa "detyrim paraqitje" për Bledar Zekajn dhe Bjona Zijaj. Masat e sigurisë janë ekzekutuar për të gjithë, përveç Haxhisë, i cili rezulton jashtë shtetit.

arrestohet ilir beqaj bkh policia

Sondazh

Poll

MË SHUMË