Bota

Samiti i Zvicrës për luftën në Ukrainë/ Scholz : Propozimet e Putinit jo serioze

Duke folur nga Italia pak para nisjes për në Zvicër, ku fillon samiti i Ukrainës, Solz tha se propozimet e Putinit kanë për qëllim vetëm shpërqendrimin nga samiti.

15 Qershor 2024, 09:59 Nga E. D
Samiti i Zvicrës për luftën në Ukrainë/ Scholz :
 Olaf Scholz

UKRAINË- Kancelari gjerman Olaf Scholz tha se udhëheqësit e vendeve të G7 nuk diskutuan propozimet e paqes të presidentit rus Vladimir Putin për t'i dhënë fund luftës në Ukrainë, pasi të gjithë e dinë se këto propozime nuk janë serioze. 

Duke folur nga Italia pak para nisjes për në Zvicër, ku fillon samiti i Ukrainës, Solz tha se propozimet e Putinit kanë për qëllim vetëm shpërqendrimin nga samiti. Dje, Putin tha se Rusia ishte e gatshme për bisedime paqeje nëse trupat ukrainase tërhiqen nga rajonet Zaporizhia, Kherson, Donetsk dhe Luhansk dhe nëse Ukraina heq dorë nga planet e saj për tu bashkuar me NATO-n.

“Të gjithë e dinë se ky propozim nuk ishte menduar të merrej seriozisht, por kishte të bënte me samitin në Zvicër”, tha Scholz. 

Udhëheqësit botërorë po mblidhen sot në Zvicër për një samit që synon t'i ushtrojë presion Rusisë për t'i dhënë fund luftës së saj në Ukrainë.

 olaf scholz

Sondazh

Poll