Bota

"Përmbushet profecia!" Lind bualli i bardhë, legjenda: Kur kohët të jenë përsëri të vështira, do kthehem dhe do të qëndroj mbi tokë

Sipas anëtarëve të fisit indian amerikan, lindja e buallit të bardhë është një sinjal se duhet bërë më shumë për të mbrojtur tokën dhe kafshët e saj.

15 Qershor 2024, 09:34 Nga M.B
"Përmbushet profecia!" Lind bualli i bardhë, legjenda: Kur
Bualli

SHBA- Një buall i rrallë i bardhë ka lindur në Parkun Kombëtar Yellowstone, duke përmbushur një profeci të indianëve amerikanë. Sipas anëtarëve të fisit indian amerikan, lindja e buallit të bardhë është një sinjal se duhet bërë më shumë për të mbrojtur tokën dhe kafshët e saj.

Bualli i porsalindur u identifikua nga një familje e cila vuri re një krijesë të bardhë mes një tufë buallësh pranë lumit Lamar në 4 qershor. Shefi Arvol Looking Horse, i cili është udhëheqës shpirtëror i Lakota, Dakota dhe Nakota Oyate, tha se lindja e buallit të bardhë është si Ardhja e Dytë për popullin e tij.

Sipas legjendës së Lakotës, para 2 mijë vitesh më parë kur ushqimi po mbaronte dhe buallët po zhdukeshin, u shfaq një grua e cila i dha një anëtari të fisit një tas dhe një trub dhe i shpjegoi si të lutej dhe të përdorte tubin për të tërhequr buallin për ushqim. Ndërsa u largua, ajo u shndërrua në një buall të bardhë.

"Dhe një ditë, kur kohët të jenë përsëri të vështira, do kthehem dhe do të qëndroj mbi tokë si një buall i bardhë, me hundë të zezë, sy të zinj dhe thundra të zeza", thotë legjenda.

E në fakt, bualli i bardhë është me hundë të zezë, thundra të zeza dhe sy të errët. Ky nuk është buallit i parë i bardhë që shihet nga njerëzit, një i tillë ka lindur në vitin 1994 në Wisconsin dhe është quajtur Miracle.

bualli i bardhe

Sondazh

Poll

MË SHUMË