Sport

Bruno Fernandes nuk është i pashitshëm për Man.United: çmimi për të është vendosur

Portugezi ka thënë se do të dëshironte të qëndronte në ‘Old Trafford’...

9 Qershor 2024, 13:30 Nga DOSJA
Bruno Fernandes nuk është i pashitshëm për Man.United:

ANGLI - Bruno Fernandes nuk është më i paprekshëm te Manchester United: siç raporton ‘Mirrorr’, klubi anglez mund të konsiderojë oferta më të larta se 70 milionë paundë për lojtarin.

Portugezi ka thënë se do të dëshironte të qëndronte në ‘Old Trafford’, por ka ngritur rezerva se nuk do të diskutojë për të ardhmen e tij përpara Euros.

Te Manchester United duhet të përcaktohet e ardhmja e Bruno Fernandes, për atë që do të ishte një humbje e madhe për “Djajtë e Kuq” në rast të shitjes së tij.

Megjithatë, ish-mbrojtësi francez Bacary Sagna i Arsenalit, nuk pajtohet me këtë dhe gjatë një interviste me CoinPoker, tha: "Nëse Manchester United e shet Bruno Fernandes, nuk mendoj se do të ishte një fatkeqësi e madhe.

Fernandes është një futbollist i madh, por unë mendoj se United ka nevojë për një rivendosje të plotë. Lidershipi i Manchester United duhet të jetë i suksesshëm në të ardhmen, të rinjtë duhet të formojnë shtyllën kurrizore të klubit”.

B.T (Dosja.al)

Sondazh

Poll

MË SHUMË