Sport

Kapiteni Gjimshiti: “Jemi gati për ndeshjen me Italinë!”

“I njohim shumë mirë, pasi kemi lojtarë që kanë vite që luajnë në Itali. Kjo është pozitive dhe mund të jetë një ndihmë për ne.”

7 Qershor 2024, 21:10 Nga DOSJA
Kapiteni Gjimshiti: “Jemi gati për ndeshjen me Italinë!”

HUNGARI - Kapiteni i kombëtare shqiptare, Berat Gjimshiti foli për SuperSport 2 pas fitores 3-1. “Kam ardhur pak me vonesë, e mbaruam pak më vonë kampionatin. Kam gjetur një ekip që është shumë gati, dhe që është ushtruar shumë. U duk në këto dy ndeshje. Kemi edhe një javë për t’u përgatitur me Italinë. Jemi të gjithë gati.

Nuk është problem fakti që luaj me 3 mbrojtës tek Atalanta dhe me 4 te Shqipëria. Të gjithë ndeshjet e eliminatoreve i kemi luajtur me 4, nuk e kam problem.

Scamacca? Jo, nuk kemi diskutuar shumë me njëri-tjetrin. Më shumë më kanë thënë shokët që t’i bëj ndërhyrje të ashpra dhe të mos e lejoj të shënojë. Nuk do të jetë Gjimshiti përballë Scamaccës, por Shqipëria kundër Italisë.

I njohim shumë mirë, pasi kemi lojtarë që kanë vite që luajnë në Itali. Kjo është pozitive dhe mund të jetë një ndihmë për ne. Shpresoj t’i bëjmë të gjithë shqiptarët krenarë”, theksoi Gjimshiti.

B.T (Dosja.al)

Sondazh

Poll

MË SHUMË