Sport

Rüdiger kërkon që Gjermania të huazojë 'instiktin vrasës' të Real Madridit

Mbrojtësi i Real Madridit dhe kombëtares gjermane, Antonio Rüdiger shpreson ta shohë vendin e tij të bëhet po aq klinik sa klubi i tij spanjol për të fituar Euron.

5 Qershor 2024, 16:10 Nga DOSJA

Rüdiger kërkon që Gjermania të huazojë 'instiktin

GJERMANI - Sipas mbrojtësit Antonio Rudiger, Gjermania duhet të marrë frymëzim nga Real Madrid për të parë sukses në “Euro 2024”.

“Gjermania dhe Reali janë dy palë këpucë të ndryshme. Sistemi gjerman është shumë i përshtatshëm për lojën tonë, por ajo që mund të marrim nga Madridi është instinkti i vrasës”,- tha ai gjatë një konference për shtyp të mbajtur në kampin bazë të ekipit kombëtar, në Herzogenaurach.

“Ndeshja jonë e fundit kundër Ukrainës ishte e shkëlqyer. "Unë nuk kam parë një 0-0 nga ne për një kohë, por ajo që mungonte ishin golat, dhe kjo është ajo që mund të mësojmë nga Madridi,"- shtoi fituesi i Ligës së Kampionëve me Merengues, të shtunën në mbrëmje ndaj Dortmundit (2-0).

Të hënën, gjermanët dominuan Ukrainën pa arritur të shënojnë (0-0), teksa për pak mund të befasoheshin në fund të ndeshjes. “Megjithatë, duhet të tregojmë përulësi,- tha Rüdiger. - Të gjithë e dimë se çfarë ka ndodhur në turnetë e mëparshme (eliminimi në fazën e grupeve të Euros së fundit dhe Botërorit).

Rruga për të arritur deri këtu ka pasur ulje-ngritjet e saj. Ajo që është e rëndësishme është të luajmë një ndeshje të parë vërtet të mirë dhe më pas të shohim se çfarë do të ndodhë në pjesën tjetër të turneut”.

B.T (Dosja.al)