Politike

Reportazhi i Rai3/ Rama: Shpëtuam afganët nga vdekja kur asnjë vend i NATO-s nuk i pranoi, por këto gazetarët që erdhën nuk i panë

Rama tha se prej 2 vitesh Shqipëria ka strehuar afganë pas rënies së Kabulit, kur asnjë vend i NATO dhe BE nuk i pranuan. Sipas tij gazetarët që erdhën nga televizioni italin nuk i kanë parë këto. 

5 Qershor 2024, 13:31 Nga r.ll
Reportazhi i Rai3/ Rama: Shpëtuam afganët nga vdekja kur asnjë
rama

SHËNGJIN- Kryeministri Edi Rama gjatë fjalës së tij teksa po komentonte investigimin e televizionit Rai 3 për Shqipërinë, përmendi edhe strehimin e afganëve në vendin tonë. 

Rama tha se prej 2 vitesh Shqipëria ka strehuar afganë pas rënies së Kabulit, kur asnjë vend i NATO dhe BE nuk i pranuan. Sipas tij gazetarët që erdhën nga televizioni italin nuk i kanë parë këto. 

"Falenderoj ata që kanë treguar solidaritet, kam marrë mesazhe të mira, kundrejt atij llumi balte ndaj Shqipërisë dhe qeverisë që mund të ketë mëkatet e botës, po kurre mëkatin t’i kthejë kurrizin kur i është dashur të ndihmojë Italinë. Kemi këtu prej 2 vite e gjysmë një komunitet afganësh, njerëz që i janë larguar vdekjes pas rënies së Kabulit dhe janë mikpritur, kur asnjë nga vendet e BE-së nuk pranoi t’i strehonte. Çdo të premte mbërrin një avion me 90-120 persona që qëndrojnë këtu 3-6 muaj për t’u transferuar më pas. Ata që nuk kalojnë filtrat, do të mbeten të strehuar prej nesh. Dhe nuk do të kërkojmë para, as nga NATO as nga BE. Edhe pse s’janë pak para për arkën tonë. Por, si të shpjegojmë faktin që disa gazetarë vijnë këtu dhe nuk i shohin ata. Nuk shohin emigrantët që i janë vjedhur vdekjes, por shohin fantazma.", tha Rama.

 

edi rama

Sondazh

Poll

MË SHUMË