Politike

Olsi Rama i lidhur me trafikantët e drogës? "Tjetër ndërhyrje e neveritshme", Kryeministri: Ka ngritur padi për shpifje, i duhet lënë drejtësisë

Rama tha se vëllai i tij po akuzohet vetëm për shkakun se është vëllai i tij.

2 Qershor 2024, 21:05 Nga r.ll
Olsi Rama i lidhur me trafikantët e drogës? "Tjetër
edi rama

TIRANË- Kryeministri Edi Rama në intervistën për gazetarin italian etë Rai3, Giorgio Mottola e ka konsideruar "të neveritshme" përfshirjen e vëllait të tij, Olsi Ramës në emisionin investigativ "Report".

Rama tha se vëllai i tij po akuzohet vetëm për shkakun se është vëllai i tij. Ndërsa gazetari i rikujtoi hapjen e hetimeve për dosjen e "Xibrakës" për të cilën Olsi dyshohet se ka lidhje, Rama tha se i vëllai ka nfritur padi për shpifje dhe se çështja i duhet lënë në dorë drejtësisë. 

Pjesë nga intervista: 

Pyetje: Ne kemi përmendur edhe vëllain tuaj, Olsi Rama...

Edi Rama: Që është një tjetër ndërhyrje e neveritshme në jetën e dikujt që nuk ka asnjë lidhje, në jetën e dikujt që akuzohet vetëm se është im vëlla, sepse fakti nuk ekziston. Po ashtu, ai ka ngritur edhe padi dhe tani shpresoj që edhe kjo gjë do të sqarohet nga prokuroria e posaçme. Po, e kuptoni? Ju jeni shërbimi publik italian, nuk jeni një kanal shqiptar që bën si të dojë, sepse, në fund të fundit, të flasësh për të tilla gjëra të thuash që, i vëllai, aaa është akuzuar… I akuzuar nga kush, i akuzuar për çfarë? Pastaj, ku janë provat? Pastaj, këto “prova”, janë tani, shpresoj nën hetim.
 
Pyetje: Di që është rihapur hetimi pas emisionit.
 
Edi Rama: Janë nën hetim, pasi ai ka paraqitur padi për shpifje, kështu që këtu i duhet lënë në dorë drejtësisë. Por t’i marrësh gjëra të tilla e të formosh një mozaik me copëza që janë të gjitha gjysmë të vërteta. Janë të gjitha gjysmë të vërteta dhe për këtë arsye gjysmë të vërtetat janë gënjeshtrat më të mëdha, mashtrimet më të mëdha.

giorgio mottola edi rama per rai3

Sondazh

Poll

MË SHUMË