Politike

Opozita deklaroi se nuk do të votojë për ngritjen e Komisionit të Posaçëm/ PS drejt shtyrjes së votimit, mund të hiqet nesër nga rendi i ditës

Ndërkohë sipas burimeve, votimi mund të shtyhet dhe të hiqet nga rendi i ditës së seancës së nesërme, pasi mazhoranca ka kërkuar edhe dakordësinë e opozitës në ngritjen e komisionit.

29 Maj 2024, 15:48 Nga r.ll
Opozita deklaroi se nuk do të votojë për ngritjen e Komisionit
foto nga seanca e kaluar

TIRANË- Në seancën e së hënës në Kuvend u miratua rezoluta anti-korrupsion e Partisë Socialiste. Rezoluta u miratua me 76 vota pro dhe dy kundër, ndërsa opozita nuk mori pjesë në procesin e votimit. 

Në rendin e ditës të seancës së nesërme plenare ishte planifikuar të votohej edhe ngritja e Komisionit të Posaçëm. 

Opozita deklaroi se nuk do të votojë për ngritjen e Komisionit

Ndërkohë sipas burimeve, votimi mund të shtyhet dhe të hiqet nga rendi i ditës së seancës së nesërme, pasi mazhoranca ka kërkuar edhe dakordësinë e opozitës në ngritjen e komisionit. Opozita ka deklaruar se nuk do të votojë pro ngritjes së Komisionit të Posaçëm parlamentar antikorrupsion. 

Ky komision do të përbëhet nga 11 anëtarë 6 prej të cilëve janë deputetë të PS-së, ndërsa 5 janë të Opozitës. Ndërkohë që një nga emrat e lakuar sedo të drejtojë komisionin është ish-Ministri i Brendshëm Fatmir Xhafa. Kreu i Grupit Parlamentar të PD-së, Gazment Bardhi u shpreh se kjo rezolutë është sipas tij e pavlerë, ndërsa ka hedhur akuza se kryeministri Rama nuk është i gatshëm të luftojë korrupsionin.

komisioni i posacem antikorrupsion ps

Sondazh

Poll