Politike

1 ditë para votimit të Komisionit Antikorrupsion/ Ambasadori britanik takohet me Altin Dumanin: Diskutuam ngritjen e kapaciteteve në bashkëpunimin gjyqësor

Lajmi bëhet me dije nga vetë SPAK me anë të një njoftimi në rrjetet sociale, ndërkohë që në takim sipas tyre u diskutuan çështje kyçe mbi ngritjen e kapaciteteve në bashkëpunimin gjyqësor.

29 Maj 2024, 14:36 Nga I.A

1 ditë para votimit të Komisionit Antikorrupsion/ Ambasadori britanik

TIRANË- Ambasadori britanik në vend Alastair King-Smith ka shkuar sot në zyrat e Prokurorisë së Posaçme për tu takuar me kreun e saj Altin Dumanin. Lajmi bëhet me dije nga vetë SPAK me anë të një njoftimi në rrjetet sociale, ndërkohë që në takim sipas tyre u diskutuan çështje kyçe mbi ngritjen e kapaciteteve në bashkëpunimin gjyqësor.

”Nder të mikprisnim sot ambasadorin King-Smith, gjyqtarët e njohur Dingemans dhe Picton. Në takim u diskutuan çështje kyçe mbi ngritjen e kapaciteteve në bashkëpunimin gjyqësor me agjencitë ligjzbatuese në UK”, shkruan SPAK.

Ky takim mes King Smith dhe Dumanit ka ardhur vetëm 1 ditë para se Partia Socialiste e vetme në Kuvend të miratojë ngritjen e Komisionit të Posaçëm Anti-korrupsion. Ky komision do të përbëhet nga 11 anëtarë 6 prej të cilëve janë deputetë të PS-së, ndërsa 5 janë të Opozitës. Ndërkohë që një nga emrat e lakuar sedo të drejtojë komisionin është ish-Ministri i Brendshëm Fatmir Xhafa. Kreu i Grupit Parlamentar të PD-së, Gazment Bardhi u shpreh se kjo rezolutë është sipas tij e pavlerë, ndërsa ka hedhur akuza se kryeministri Rama nuk është i gatshëm të luftojë korrupsionin

alastair king-smith

Sondazh

Poll