Aktualitet

Pjesë e grupit të Gëzim Çelës, Apeli i GJKKO lë në fuqi masën “Arrest me burg” për Ksenofon Bodon

Ndaj Bodos Shkalla e Parë ka caktuar "arrest me burg", ndërsa ai ka ankimuar masën, por Apeli ka vendosur të rrëzojë ankimimin e tij dhe tëlërë në fuqi vendimin e Gjykatës së Shkallës së Parë.

28 Maj 2024, 13:31 Nga B.Z
Pjesë e grupit të Gëzim Çelës, Apeli i GJKKO lë
Gjykata

TIRANË - Gjykata e Apelit të GJKKO ka rëzuar këtë të martë ankimimin e Ksenofon Bodos, pjesë e grupit të Gëzim Çelës i njohur ndryshe si "baroni i drogës".

Bodo u arrestua në kuadër të operacionit "Flakë në det" vitin e kaluar që çoi në pranga gjithashtu dhe një Komisar të Kurbinit, Dritan Metaj, i cili akuzohej se bashkëpunonte me të ashtuquajturin ‘baronin e drogës’, Gëzim Çelën dhe anëtarë të tjerë të grupit me bazë në Fushë Kuqe të Kurbinit, të identifikuar si Alket Deda, dhe Selami Lushkaj.

Ndaj Bodos Shkalla e Parë ka caktuar "arrest me burg", ndërsa ai ka ankimuar masën, por Apeli ka vendosur të rrëzojë ankimimin e tij dhe të lërë në fuqi masën e caktuar nga Gjykata e Shkallës së Parë.

Njoftimi:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Florjan Kalaja, sot më 28.05.2024, shpalli vendimin mbi çështjen penale nr. 22 akti, datë 23.05.2024 regjistrimi, mbi ankimet e personit nën hetim K.B., me objekt: “Ankim ndaj vendimit nr. 46, datë 29.04.2024, verifikuar me vendimin nr. 48, datë 02.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, disponuar në lëndë të masave të sigurimit personal, dhe vendosi:

Miratimin e vendimit nr. 48, datë 02.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar.

ksenofon bodo gezim cela

Sondazh

Poll

MË SHUMË