Politike

Nesër protesta para bashkisë/ Këlliçi: Ose Veliaj do të shkojë para drejtësisë, ose do shembet përfundimisht drejtësia në vend

Në protestën e thirrur nga opozita dhe Aleanca për Mbrojtjen e Teatrit, qytetarët kërkojnë dorëheqjen e kryebashkiakut Erion Veliaj, pas skandalit të korrupsionit me kompaninë 5D dhe arrestimit të drejtorëve dhe ish-drejtorëve të bashkisë.

27 Maj 2024, 19:23 Nga r.ll

TIRANË- Anëtari i Kryesisë së Partisë Demokratike, Belind Këlliçi ka persëritur thirrjet për pjesmarrje në protestën e radhës që do të mbahet nesër para bashkisë së Tiranës. 

Në një postim në Facebook, Këlliç shkruan se "pronari faktik i inceneratorit Tiranë dhe kreu i bandës 5D ose do të shkojë para drejtësisë, ose do shembet përfundimisht drejtësia në vend!"

POSTIMI I PLOTË: 

Të dashur miq, nesër shihemi sërish në protestë, e martë, 28 Maj, ora 11:00, përpara monumentit më të madh të korrupsionit në Europë, Bashkisë Tiranë.

Pronari faktik i inceneratorit Tiranë dhe kreu i bandës 5D ose do të shkojë para drejtësisë, ose do shembet përfundimisht drejtësia në vend!

O sot, o kurrë!

Në protestën e thirrur nga opozita dhe Aleanca për Mbrojtjen e Teatrit, qytetarët kërkojnë dorëheqjen e kryebashkiakut Erion Veliaj, pas skandalit të korrupsionit me kompaninë 5D dhe arrestimit të drejtorëve dhe ish-drejtorëve të bashkisë. Në protestat e deritanishme nuk kanë munguar tensionet dhe përplasjet mes protestuesve dhe policisë. Gjithashtu nuk mungon edhe hedhja e dhjetëra koktejle molotovë në hyrje të godinës së bashkisë. 

belind këlliçi erion veliaj protesta para bashkise se tiranes

Sondazh

Poll

MË SHUMË