Sport

Aston Villa ‘betonon’ Unai Emery…

Klubi anglez ka zyrtarizuar rinovimin e tij deri në vitin 2029, vetëm një muaj pasi shpalli zgjatjen e kontratës deri në vitin 2027.

27 Maj 2024, 18:45 Nga DOSJA

Aston Villa ‘betonon’ Unai Emery…

ANGLI - Projekti i Unai Emery te Aston Villa sapo ka filluar. Që në momentin e parë trajneri bask dhe klubi ishin ambiciozë për ta rikthyer klubin Birmingham në vendin që i takon në histori, diçka që pak nga pak po e arrijnë. 

Kualifikimi në Conference League të vitit të kaluar është tejkaluar nga suksesi i përfundimit në “Top 4”-shen e Premier League këtë sezon, gjë që e kthen klubin në Champions League 41 vjet më vonë. Tani ata po kërkojnë të bëjnë një hap tjetër. 

Si klubi, ashtu edhe vetë trajneri e dinë se arritja e kësaj arritje do të jetë e komplikuar dhe konsolidimi i saj edhe më shumë, prandaj po përpiqen të vendosin themele që vështirë të shemben. 

Aston Villa ka zyrtarizuar rinovimin e Unai Emery-t deri në vitin 2029 në faqen e saj të internetit. Vetëm një muaj pasi klubi aktivizoi vazhdimin e njëanshëm të kontratës së tij deri në vitin 2027, tani me marrëveshje të ndërsjellë, lidhja do të arrijë të paktën deri në vitin 2029. 

Deklarata e klubit…

“Aston Villa është e lumtur të njoftojë se menaxheri Unai Emery ka nënshkruar një kontratë të re pesëvjeçare. Spanjoli e udhëhoqi klubin në vendin e katërt në Premier League, duke siguruar Champions League për herë të parë në historinë tonë.

Duke transformuar plotësisht fatin e klubit që nga ardhja e tij në 2022, Unai e çoi skuadrën nga e 17-ta në tabelë në të 7-tën gjatë sezonit të tij të parë në krye, duke e kthyer futbollin evropian te Villa për herë të parë në 13 vjet”.

B.T (Dosja.al)

Sondazh

Poll

MË SHUMË