Sport

“Euro 2024”/ Për të mungesë të hapësirave në Clairefontaine, Franca e Deschamps e nis grumbullimin të mërkurën…

FRANCE - E grumbulluar nga kjo e hënë për dy ndeshjet kualifikuese kundër Anglisë, kombëtarja blu e femrave, do të shkojnë direkt në Newcastle. Arsyeja? Didier Deschamps dhe lojtarët e tij mbërrijnë në Clairefontaine të mërkurën për t'u përgatitur për “Euro 2024”, dhe kështjella nuk mund të strehojë dy skuadrat.

27 Maj 2024, 15:11 Nga DOSJA
“Euro 2024”/ Për të mungesë të hapësirave
Kështjella Clairefontaine, qendra e grumbullimti te Francës

FRANCE - Dhjetë ditë pas përfundimit të kampionatit të fituar nga OL kundër PSG-së (2-1) dhe dy, pas finales së Ligës së Kampionëve, të humbur nga Lyon kundër Barcelonës (0-2), kombëtarja e femrave të Francës do ta zgjasin sezonin e tyre me dy ndeshje kualifikuese për Euro kundër Anglisë më 31 maj dhe 4 qershor.

Lojtaret e Hervé Renard nuk do të përgatiten për këtë përballje të dyfishtë në Clairefontaine. Ato do të takohen mesditën e kësaj të hëne në aeroportin Roissy Charles-de-Gaulle nga ku do të nisen pasdite për të mbërritur në Newcastle, ku do të luhet e para nga dy ndeshjet.

Arsyeja? Blutë e Didier Deschamps mbërrijnë në Clairefontaine të mërkurën për t'u përgatitur për “Euro 2024” (14 qershor deri më 14 korrik). Francezët tashmë ishin përballur me një situatë të ngjashme në fund të majit 2019, kur po përgatiteshin për të luajtur Kupën e Botës në shtëpi.

Ata nuk kishin mundur të qëndronin në Clairefontaine dhe ishin zhvendosur pikërisht përballë, në Domaine de la Voisine, duke ia lënë kështjellën njerëzve të Deschamps që po përgatitnin një miqësore kundër Bolivisë, e ndjekur nga një ndeshje kualifikuese për “Euro 2020” në Turqi.

I kontaktuar, FFF sqaroi se femrat blutë, si zakonisht, do të largoheshin mëngjesin e së mërkurës. Prandaj u bë zgjedhja për të shkuar direkt në Angli. Nuk bëhej fjalë për të “gjuajtur” vajzat, ishte thjesht një çështje praktike për të shmangur lëvizjen në një drejtim apo tjetrin, pasi kështjella nuk mundej të akomodonte dot të dyja skuadrat. Hervé Renard, bosi i bluve të femrave, nga ana e tij bëri të ditur se "asgjë nuk e shqetëson [atë]. Unë përshtatem gjatë gjithë kohës,"- thjesht u përgjigj trajneri.

B.T (Dosja.al)

Sondazh

Poll

MË SHUMË