Art&Argëtim

Nuk ndalen paditë ndaj Diddy Combs, një grua pretendon se reperi e ka droguar dhe përdhunuar në vitin 1990 (DETAJET)

Këtë herë, një ish-studente në Institutin e Teknologjisë së Modës në Nju Jork pretendon se reperi e ka droguar dhe përdhunuar në vitet 1990.

24 Maj 2024, 12:56 Nga S.B

Nuk ndalen paditë ndaj Diddy Combs, një grua pretendon se reperi e ka

SHBA- Reperi Sean Diddy Combs po përballet me një tjetër padi. Këtë herë, një ish-studente në Institutin e Teknologjisë së Modës në Nju Jork pretendon se reperi e ka droguar dhe përdhunuar në vitet 1990.

Të enjten, April Lambros ngriti një padi në Gjykatën e Lartë të Qarkut të Nju Jorkut, duke pretenduar se marrëdhënia e saj me reperin filloi kur ai i ofroi ta ndihmonte të hidhte hapat e saj të parë në industrinë e modës. Lambros kujtoi takimin me Combs në një bar në Nju Jork në vitin 1995, duke pretenduar se ai i dha asaj shumë alkool dhe më vonë e çoi në dhomën e tij të hotelit.

Ajo pretendoi se nuk ishte në gjendje të mbrohej dhe u zgjua të nesërmen "e zhveshur, e lënduar dhe e hutuar". Sipas dokumenteve, Lambros e mbajti distancën e saj nga Combs për muaj të tërë, derisa ai iu afrua dhe e ftoi në ngjarje të industrisë muzikore.

Më pas ajo kujtoi se kishte shkuar në një darkë me reperin kur dyshohet se u detyrua t'i bënte atij seks oral në garazh. Pas asaj nate, Lambros shmangu Combs, gjë që e bëri atë të zemërohej dhe ta kërcënonte se do ta vinte në listën e zezë të industrisë.

Në vitin 1996, Lambros deklaroi se ajo ishte detyruar të shkonte në apartamentin e Combs, ku ajo u prezantua me ish-partneren e tij Kim Porter. Lambros pretendoi se i kishin dhënë ekstazi dhe e detyruan të bënte seks me Porterin ndërsa Combs masturbonte.

Lambros pretendoi se ajo u përdhunua përsëri nga Combs. Padia e Lambros vjen disa ditë pasi një ish-modele ngriti një padi kundër Combs ku pretendon se ishte droguar dhe sulmuar seksualisht nga reperi.

sean diddy combs diddy

Sondazh

Poll

MË SHUMË