Politike

Argita Malltezi: Berisha dhe Malltezi të burgosur politik, Kraja e Millonai veprojnë me urdhra të Ramës

Vajza e kreut të PD-së përsëriti akuzat ndaj prokurorëve të SPAK, për të cilët tha se veprojnë me urdhrat e kryeministrit Edi Rama. 

24 Maj 2024, 11:28 Nga r.ll
Argita Malltezi: Berisha dhe Malltezi të burgosur politik, Kraja e Millonai
argita malltezi

TIRANË- Argita Malltezi po zhvillon ditën e sotme së bashku me avokatët një konferencë për mediat. Ajo tha se lideri i opozitës, Sali Berisha dhe Jamarbër Malltezi janë të burgosur politik.

Vajza e kreut të PD-së përsëriti akuzat ndaj prokurorëve të SPAK, për të cilët tha se veprojnë me urdhrat e kryeministrit Edi Rama. 

PJESË NGA FJALA E MALLTEZIT:

E gjithë dosja përfshirë edhe veprimet e fundit, tregon se kjo është një dosje e montuar politikisht, se Berisha dhe Malltezi janë të burgosur politikë sipas përkufizime të akteve ndërkombëtare dhe sot do të sjellë para jush, akte të Asamblesë Parlamentare të Këshillit të Europës.

Jua kemi vënë edhe më parë në vëmendje faktin që ky nuk është një hetim gjashtëmujor që është zgjatur për një gjashtëmujor të dytë, por një hetim që ka zgjatur tashmë prej katër vitesh , një hetim që është intensifikuar në varësi të urdhrave politikë të Edi Ramës, siç provohet nga dokumentet e dosjes. 

Sa herë Edi Rama, në mënyrë publike, në Asamblenë e PS apo në Kongresin e PS ka kërkuar që SPAK të veprojë ndaj Sali Berishës, prokurorët politikë, Kraja-Millonai kanë intensifikuar veprimet e tyre siç demonstrohet nga shkresat në fjalë.

Deri tani është provuar me dokumente të pakontestueshme ndërmjet tyre vendime gjyqësore, se dy janë personat që kanë konsumuar vepra penale: Taulant Balla për kallëzim të rremë dhe Edi Rama për shpërdorim të financave publike dhe dëm në 320 mijë euro ndaj shtetit. SPAK nuk procedon asnjerin prej tyre, madje as nuk ua përmend emrin për shkeljet e kryera!

argita malltezi sali berisha spak jamarber malltezi

Sondazh

Poll

MË SHUMË