Sport

E FUNDIT! Arabët gati të rrëmbejnë Leaon nga Milani me një super ofertë

Gazeta ‘O' Jogo’ është e sigurt: arabët e Al-Hilal janë gati të paguajnë klauzolën e lirimit për sulmuesin kuqezi.

23 Maj 2024, 11:30 Nga DOSJA

E FUNDIT! Arabët gati të rrëmbejnë Leaon nga Milani me

PORTUGALI - Para, para, para. Shumë para, shumë. Deri në 175 milionë euro, pra klauzola e lirimit e përfshirë në kontratën mes Leaos dhe Milanit. Arabët e Al-Hilal janë të gatshëm të shkojnë deri në këtë gjatësi për të rrëmbyer sulmuesin portugez nga kuqezinjtë.

Indiskrecioni i bujshëm u nis sot nga gazeta sportive portugeze 'O Jogo' e cila në faqen e saj të parë flet për një ofertë të mbërritur në Casa Milan, e cila është ekonomikisht e domosdoshme,  duke thënë gjithashtu se, duke qenë se ka të bëjë me pagesën e klauzolës, mbetet që të të kuptohet se cila mund të jetë vullneti i vetë lojtarit.

Sipas asaj që shkruan ‘O'Jogo’, klubi arab synon të sulmojë Kupën e Botës për Klube, kompeticion në të cilin do të marrë pjesë në verën e vitit 2025 dhe për këtë arsye do t'i kishte vënë sytë talentit portugez, gati për të trefishuar paga aktuale prej shtatë milionësh që Leao merr nga Milani.

Këtë sezon Al-Hilal, një ekip që tashmë përfshin Koulibaly, Milinkovic-Savic dhe Neymar, u bë kampion i Arabisë pasi dominoi kampionatin. Lojtarët e stërvitur nga një tjetër portugez, Jorge Jesus, fituan tri raunde para përfundimit të kampionatit. Al-Hilal përfundoi i pamposhtur me 90 pikë (+12 ndaj Al Nassr të Cristiano Ronaldos) dhe 96 gola të shënuar.

B.T (Dosja.al)

Sondazh

Poll

MË SHUMË