Art&Argëtim

Prona Graceland e Elvis Presley del në ankand, mbesa e tij ndalon shitjen: Është mashtrim

Kompania thotë se Graceland është përdorur si kolateral në hua, e cila nuk është kthyer kurrë.

21 Maj 2024, 15:50 Nga S.B
Prona Graceland e Elvis Presley del në ankand, mbesa e tij ndalon shitjen:
Mbesa e Elvis Presley

SHBA- Ish-shtëpia e Elvis Presley-t do të shitet në një ankand të enjten por mbesa e tij po përpiqet të ndalojë shitjen e Graceland të miratuar nga gjykata. Aktorja dhe modelja Riley Keough e cila u bë pronare e re e Graceland kur nëna e saj Lisa Marie Presley vdiq në moshën 54 vjeçare në janar 2023, pretendon në një padi se shitja në pritje është "mashtrim".

Çështja buron nga një akt i vitit 2018, ku nëna e ndjerë e Keough dyshohet se nënshkroi, duke siguruar një hua prej 3.8 milion dollarë nga Naussany Investments dhe Private Lending LLC në Misuri. Kompania thotë se Graceland është përdorur si kolateral në hua, e cila nuk është kthyer kurrë.

Por në dosjet e reja gjyqësore, Keough po lufton shitjen e kompleksit të Memphis, Tennessee duke pretenduar se nëna e saj nuk ka nënshkruar kurrë asgjë dhe nuk ka marrë kurrë para hua.

Në një deklaratë për NBC News, Elvis Presley Enterprises - entiteti që drejton Graceland dhe asetet e Elvis Presley Trust - sugjeroi se shitja e shpallur është një skemë. Ai tha: Elvis Presley Enterprises mund të konfirmojë se këto pretendime janë të rreme.

Prona Graceland e Elvis Presley del në ankand, mbesa e tij ndalon shitjen:
Elvis Presley

Një seancë dëgjimore për pretendimin e Keough është caktuar për të mërkurën, sipas dokumenteve të gjykatës. Për vite me radhë, prona e madhe Graceland ka qenë e hapur për vizita nga fansat e yllit.

Elvis bleu Graceland Mansion në 1957 dhe jetoi atje deri në vdekjen e tij në 1977.

graceland elvis presley

Sondazh

Poll

MË SHUMË