Sport

Inter Miami 'largon' Di Marían: “Nuk kemi se si ta nënshkruajmë atë”...

Trajneri Tata Martino tregon kufizimet në rregullore që ndalojnë nënshkrimin e anësorit

11 Maj 2024, 12:46 Nga DOSJA
Inter Miami 'largon' Di Marían: “Nuk kemi se si ta

SHBA - Tata Martino, trajneri i Inter Miami, përjashtoi plotësisht mundësinë e nënshkrimit të Di Marías për shkak të kufizimeve në rregullore. "Ne tashmë kemi një skuadër që është brenda buxhetit të kërkuar nga MLS dhe nuk kemi mundësi të marrim ndonjë lojtar tjetër.

As Ángel dhe as ndonjë lojtar tjetër. Derisa rregullat të ndryshojnë, për momentin do të jetë e vështirë",- tha trajneri argjentinasi 61-vjeçar, në konferencën për shtyp të fillimit të ndeshjes në Montreal.

Dy muaj para hapjes së merkatos së MLS-së, Tata Martino ka sqaruar se cilësia e anësorit të Benficas nuk vihet në dyshim. "Nga pikëpamja sportive nuk ka dyshim.

Dhe duke pasur parasysh lajmet që po dalin, mendoj se gjëja më e rëndësishme është të theksohen cilësitë e Angelit, për të cilat as që kam nevojë të flas",- theksoi trajneri që e njeh mirë Fideo, me të cilin ka punuar në ekipin kombëtar të Argjentinës midis 2014 dhe 2016.

MLS vendos kufijtë e pagave për të gjitha skuadrat që marrin pjesë në kompeticion, që do të thotë se klubi i Miami përballet me vështirësi në bashkimin e Di María me Messin, si dhe figura të tjera të njohura si Jordi Alba, Busquets dhe Luis Suarez, pagat e të cilëve janë të larta.

36-vjeçari argjentinas është në fund të kontratës me Benfikën dhe tashmë ka treguar dëshirën e tij për të vazhduar te Luz, në pritje të një vendimi nga përgjegjësit e Reds.

B.T (Dosja.al)

Sondazh

Poll

MË SHUMË