Sport

Kaos i vërtetë në Kamerun!... Në mes të një konflikti me Federatën e Eto-s, Qeveria zgjedh trajnerin e kombëtares...

Trajneri i Kamerunit, Marc Brys, i cili dha listën e tij të parë këtë të premte, e gjen veten të kapur mes një stafi të shpallur nga ministria dhe një tjetër nga Samuel Eto'o. Ai ka anashkaluar edhe konferencën për shtyp të kreut të Federatës.

11 Maj 2024, 09:30 Nga DOSJA
Kaos i vërtetë në Kamerun!... Në mes të një
Marc Brys, trajner i Kamerunit

KAMERUN - Asgjë nuk është kurrë e thjeshtë me futbollin në Kamerun. Por çdo gjë është edhe më e ndërlikuar sot. Emërimi i Marc Brys si trajner vazhdon të tronditë tokën e ‘Luanëve të Paepur’.

Dhe kjo e premte turbulloi më tej imazhin e vendit, duke krijuar ndoshta të parën në histori, që kur u shpallën dy stafe teknike (asistentë, mjekë, fizioterapistë, trajnerë, zyrtarë shtypi, drejtor të ekipeve kombëtare etj.), ai i krijuar nga Ministria e Sportit dhe tjetri i formuar nga Federata.

Për kujtim, Narcisse Mouelle Kombi, Ministrja e Sporteve, kishte zgjedhur Brys kundër këshillës së Samuel Eto'o, presidentit të Fécafoot (Federata e Kamerunit). Në këtë betejë liderësh, të gjithë kanë parashtruar argumentet e tyre ligjore.

Eto'o këmbënguli për një tekst që siguron se është ai që vendos shefin teknik, ministri duke kujtuar një artikull të shtuar një vit më vonë, që do t'i jepte atij kontrollin mbi këtë dosje.

Prandaj Eto'o i dërgoi një letër FIFA-s për të kujtuar se vetëm vendimi i federatës duhet të merret parasysh. Dhe drejtuesit e organizmit botëror, e kanë hequr tërësisht emrin e Brys nga lista e përzgjedhësve të shfaqur në faqen e tyre. Për të mos u kapur në faj, ata që duan të sanksionojnë ndërhyrjet politike në sport.

Pak ditë para takimit të parë dhe ndeshjes ndaj Bregut të Gjelbërt (6 qershor), në kualifikimet për Botërorin, sot nuk e dimë se kush do ta mbështesë Brysin. Vendi po zhytet në një krizë jashtëzakonisht të rrallë dhe askush nuk sheh një rrugëdalje. Kush do të përfundojë duke qeverisur, dhe për rrjedhojë duke vendosur këtë histori të pamundur?

B.T (Dosja.al)

Sondazh

Poll

Sport 10 Maj 2024, 12:32

Verdiktet e fundit të Superiores…

TIRANE - Kampionati i kategorisë Superiroe luan këtë të shtunë javën e fundit, me shumë verdikte ende në lojë. N...

MË SHUMË