Sport

Como rikthehet në Serinë A, pas 21 vitesh...

Falë barazimit ndaj Cosenzas (1-1), Como siguroi vendin e dytë në Serie B dhe do të luajë në elitën e futbollit italian, 21 vjet më vonë, përkrah Parmës.

11 Maj 2024, 08:30 Nga DOSJA

Como rikthehet në Serinë A, pas 21 vitesh...

ITALI - Nën sytë e Thierry Henry, aksioner i klubit që nga gushti 2022, Como fitoi biletën për në Serinë A, pasi barazoi në shtëpi kundër Cosenza (1-1) të premten në mbrëmje.

Një rezultat që i lejon ata të sigurojnë vendin e dytë në Serinë B me 73 pikë, tre më pak se Parma, kampione dhe tashmë e promovuar, dhe tre më shumë se Venecia, e mundur në La Spezia (1-2), e cila do të garojë në ndeshjen e pafundme për të siguruar vendin e tretë për në Serinë A.

Klubi lombard rikthehet në elitën e futbollit italian, 21 vite më vonë. Como u rrëzua gjatë sezonit 2002-2003 dhe më pas përjetoi vite shumë të vështira me dy rënie për arsye financiare në Serinë D (Kategoria e Katërt), e fundit prej të cilave në vitin 2017.

Që atëherë, klubi është ristrukturuar dhe personalitete të futbollit i janë bashkuar projekt si Thierry Henry apo Cesc Fabregas, ndihmës trajner, por që menaxhoi edhe pesë ndeshje si trajner këtë sezon.

B.T (Dosja.al)

Sondazh

Poll

Sport 10 Maj 2024, 12:32

Verdiktet e fundit të Superiores…

TIRANE - Kampionati i kategorisë Superiroe luan këtë të shtunë javën e fundit, me shumë verdikte ende në lojë. N...

MË SHUMË