Bota

Zgjedhjet në Maqedoninë e Veriut/ Paradoksi shqiptar dhe humbja e rolit të "kingmaker-it"

Ajo shton se gjithsesi ky rezultat nuk e ndihmon BDI-në, dhe pas pothuajse 20 vitesh në pushtet duket se ka ardhur koha që partia e madhe e shqiptarëve në Maqedonine e Veriut do të shkoj në opozitë.

9 Maj 2024, 10:55 Nga M.B
Zgjedhjet në Maqedoninë e Veriut/ Paradoksi shqiptar dhe humbja e
Grafiku

MAQEDONIA E VERIUT- Në zgjedhjet e djeshme parlamentare, dy blloqet e koalicioneve shqiptare arritën rezulatate e tyre më të mira historike. Teksa ka analizuar rezultatet, me anë të një postimi në Facebook, gazetarja Fatjona Mejdini shkruan se në konfiguracionin aktual të skenës politike maqedonase, gjithsesi koalicionet shqiptare do të marrin shumë pak. 

Gazetarja shkruan se "Fronti Demokratik" i drejtuar nga BDI arriti të jetë subjekti me numrin e dytë më të madh të mandatave në këto zgjedhje, duke fituar 19 të tilla, renditur vetem pas VMRO-së me 58 mandate. Ajo shton se gjithsesi ky rezultat nuk e ndihmon BDI-në, dhe pas pothuajse 20 vitesh në pushtet duket se ka ardhur koha që partia e madhe e shqiptarëve në Maqedonine e Veriut do të shkoj në opozitë.

Mejdini shkruan se fituesi i zgjedhjeve, VMRO do të marrë në koalicion bllokun opozitar shqiptar në zgjedhje "VLEN" që ndonese i fragmentizuar (me 4+1 kryetarë) mori një rezultat shumë të mirë zgjedhor, duke fituar më shumë se 100,000 vota dhe duke marrë 13 mandate. Gjithsesi, shton ajo, ata nuk janë 'kingmaker' në qeverinë e re, por pritet t'i bashkangjiten qeverisë së re, si perfaqësues të komunitetit shqiptar.

zgjedhjet ne maqedonine e veriut

Sondazh

Poll