Art&Argëtim

Fotot e AI të Katy Perry-t në Met Gala bëjnë xhiron e rrjetit, mashtrohet edhe nëna e saj: Mami, bëj kujdes!

Mirëpo orët e fundit po bëjnë xhiron e internetit fotot e saj dhe Rihanna-s, si produkte të inteligjencës artificiale.

7 Maj 2024, 12:20 Nga S.B
Fotot e AI të Katy Perry-t në Met Gala bëjnë xhiron e
Katy Perry

SHBA- Këngëtarja e njohur Katy Perry nuk mori pjesë në Met Galan e këtij viti, siç ka zbuluar në Instagramin e saj. Mirëpo orët e fundit po bëjnë xhiron e internetit fotot e saj dhe Rihanna-s, si produkte të inteligjencës artificiale.

Duket se ka rënë në sy mungesa e dy yjeve në Met Gala, pasi prej vitesh ato kanë bërë paraqitjet më mbresëlënëse. Kështu fansat e tyre kanë dashur t’i “sjellin” në event edhe me ndihmën e inteligjencës artificiale.

Është bërë virale fotoja e rreme ku shihet Katy Perry e veshur me një fustan të gjatë me lule, madje ka arritur të ngatërrojë edhe nënën e saj, ku kjo e fundit i ka dërguar një mesazh vajzës së saj për ta uruar për bukurinë dhe zgjedhjen e fustanit.

 

Fotot e AI të Katy Perry-t në Met Gala bëjnë xhiron e
Mesazhi

 

Katy Perry postoi mesazhin nga mamaja në llogarinë e saj personale në Instagram, e më pas u shkroi fansave të: Nuk arrita të shkoja në Met. Më duhej të punoja.

Në mesazhin e nënës së saj thuhej: Nuk e dija që ke shkuar në Met. Sa fustan i bukur, dukesh si një paradë me trëndafila, sikur po lundron në to.

Katy Perry u përgjigj: Mami, AI të mashtroi dhe ty gjithashtu. Bëj kujdes!

 
 
 
 
 
View this post on Instagram
 
 
 
 
 
 
 
 
 
 
 

A post shared by KATY PERRY (@katyperry)

katy perry met gala

Sondazh

Poll

MË SHUMË