Sport

Asllani kalon titullar tani tek Interi për ndeshjen e kësaj jave!

Inzaghi kërkon të shfrytëzojë takimet e mbetura për të sinkronizuar lojtarët që kanë luajtur më pak me mekanizmat e skuadrës në këndvështrim të sezonit të ardhshëm, me Asllanin që i gjendur gati sa herë që është thërritur në mision këtë sezon, është një nga elementët që konsiderohen me shumë vlerë te Inter për të ardhmen.

4 Maj 2024, 00:08 Nga DOSJA
Asllani kalon titullar tani tek Interi për ndeshjen e kësaj jave!

ITALI - Pas festimeve te jashtëzakonshme për titullin, me mbi 300 mijë tifozë që mbushën Duomon për titullin e dytë, Inter rikthehet në fushë me Asllanin titullar. Media italiane bën të ditur se mesfushori i kombëtares do të jetë mes 11-shes fillestare në fushë këtë të shtunë në transfertën me Sasuolon, duke regjistruar prezencën e tij të pestë si titullar në këtë sezon të Serie A.

Inzaghi do të aplikojë një rotacion në masë në këtë takim, i vetëdijshëm për ngarkesën e madhe të titullarëve fiks, çka rrit edhe më tepër përgjegjësinë për Asllanin që i duhet të bëjë mirë edhe në një skuadër ku nuk do të jetë ai i vetmi nga të ashtuquajturat linja të dyta që do të jetë në fushë, e për më tepër në një rol vendimtar për ekuilibrat dhe lojën e skuadrës, në regjinë e Inter.

Natyrisht një mundësi për t’u shfrytëzuar kjo për Asllanin, që në kabinën e regjisë do t’i duhet të drejojë orkestrën zikaltër, ku mbrojtja pritet të formohet nga Bisseck, De Vrij e Bastoni, në mesfushë veç tij do të jenë dhe Barella, Fratessi, Dimarco e Darmian, ndërsa në sulm pritet të luajë Lautaro dhe Arnautovic.

Inzaghi kërkon të shfrytëzojë takimet e mbetura për të sinkronizuar lojtarët që kanë luajtur më pak me mekanizmat e skuadrës në këndvështrim të sezonit të ardhshëm, me Asllanin që i gjendur gati sa herë që është thërritur në mision këtë sezon, është një nga elementët që konsiderohen me shumë vlerë te Inter për të ardhmen.

B.T (Dosja.al)

Sondazh

Poll

MË SHUMË