Sport

Formula 1/ "Sainz nuk është te Ferrari, për të qenë pilot i dytë, pas Leclerc"

Jacques Villeneuve ka shpjeguar pse Sainz po ecën "pa dyshim më mirë se Leclerc"

1 Maj 2024, 11:11 Nga DOSJA

Formula 1/ "Sainz nuk është te Ferrari, për të

ITALI - Duke parë performancën e Carlos Sainz në 2024 te Ferrari, ata duhet të pyesin nëse kishin të drejtë që nuk e rinovuan kontratën me të. Disa ish-pilotë të F1 e kanë komentuar këtë vendim, pasi kanë parë këto gjashtë garat e para në kalendar.

Njëri prej tyre, Jacques Villeneuve, kampion bote, i cili ka vlerësuar paraqitjet e madrilenit. “Sainz padyshim po e mund Leclerc-un”,- nisi ish-piloti, duke thënë se Ferrari mund të mos ketë marrë vendimin e duhur. Për më tepër, ai ka argumentuar se këtë vit po fillon të vlerësohet si një kampion i mundshëm bote: “Njerëzit kanë filluar të kuptojnë se Sainz është një pretendent serioz”.

Kanadezi ka vlerësuar të gjitha cilësitë që spanjolli ka ndaj shokut të tij të skuadrës: "Sainz është i pjekur, i përkushtuar, inteligjent, punëtor. Ai po bën ndryshimin". Gjithashtu, ai i ka dërguar një mesazh Leclerc-ut, se ka vetëm një cilësi dhe se nuk mjafton: “Nuk mjafton vetëm talenti”.

Vendimi i Ferrarit...

“Carlos Sainz është përgjigjur shumë mirë, pasi u përjashtua nga Ferrari”,- thotë Villeneuve. Edhe pse donin ta shesin këtë nga Italia, ish-shoferi ka thënë se Sainz nuk ka pse të jetë piloti i dytë i askujt: "Ne e shohim që ai nuk është aty për të qenë i dyti, pas Leclerc. Ai është atje për të luajtur lojën e tij dhe për t'i treguar botës se çfarë është. Ai është i vetmi që fiton gara për Ferrarin”.

Ai përfundoi duke shpjeguar se në ‘scuderia’ kishte dy kampe: disa që donin Hamilton dhe të tjerë që donin të rinovonin skuadrën aktuale. "Ka dy palë te Ferrari. Njëra donte Hamiltonin dhe tjetra donte të mbante Leclerc. Pra, Sainz ishte qengji kurban. Për ironi, Sainz ndoshta do të dalë me një situatë më të mirë. Ju duhet të pyesni veten nëse ata mendojnë: Çfarë kemi bërë ne?”

B.T (Dosja.al)