Aktualitet

Nga vjedhja në bashkëpunim tek aplikimi për kredi në emër të një tjetër personi, arrestohet një 34-vjeçar dhe procedohen dy të tjerë në Dibër

Mësohet se një 34-vjeçar i shpallur në kërkim kombëtar është arrestuar për vjedhje të kryer në bashkëpunim.

26 Prill 2024, 14:13 Nga S.B
Nga vjedhja në bashkëpunim tek aplikimi për kredi në
foto ilustruese

DIBËR- Arrestohet një person dhe procedohen dy të tjerë në Dibër për vepra të ndryshme penale. Mësohet se një 34-vjeçar i shpallur në kërkim kombëtar është arrestuar për vjedhje të kryer në bashkëpunim.

Dy persona janë proceduar penalisht pasi një 35-vjeçar ka aplikuar në postë në emër të një tjetër personi me qëllim përfitimin e një kredie. Lidhur me rastin është proceduar edhe punonjësja e postës pasi ka pranuar aplikimin pa bërë verifikimet.

Njoftimi i Policisë:

Dibër/Vijon megaoperacioni "Sundimi i ligjit", për kapjen e shtetasve të shpallur në kërkim.

Drejtoria Vendore e Policisë Dibër ndaloi shtetasin A. I., 34 vjeç, banues në Peshkopi, i cili ishte shpallur në kërkim kombëtar, pasi Gjykata e Shkallës së Parë e Juridiksionit të Përgjithshëm Durrës e ka dënuar me 6 muaj burgim, për veprën penale "Vjedhja", kryer në bashkëpunim.     

-Gjithashtu, referoi materialet në Prokurori ku nisi procedimi penal për shtetasin E. L., 35 vjeç, banues në Peshkopi, pasi ka aplikuar pranë Degës Postare Peshkopi, në emër të një shtetasi tjetër, me qëllim përfitimin e një kredie pranë një shoqërie financiare. Në vijim të veprimeve, nisi procedimi penal edhe për shtetasen I. K., 34 vjeçe, punonjëse e Degës Postare, pasi ka pranuar aplikimin, pa kryer procedurat e identifikimit të aplikuesit.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Dibër.

diber vepra penale

Sondazh

Poll

MË SHUMË