Politike

Reagimet e ndërkombëtarëve për protestën, Këlliçi nxjerr fotot nga Brukseli: Pranoni në Shqipëri të njëjtin standard si në vendet tuaja

Në përgjigjen e tij, Këlliçi përmes një postimi në Facebook ka pasqyruar atë që ndodhi 2 muaj më parë në Bruksel në një protestë para zyrave të BE-së.

19 Prill 2024, 21:01 Nga r.ll
Reagimet e ndërkombëtarëve për protestën,
foto nga brukseli

TIRANË- Anëtari i Kryesisë së PD-së, Belind Këlliçi ka reaguar pas deklaratave të ndërkombëtarëve për protestën e zhvilluar nga opozita paraditen e sotme para bashkisë së Tiranës. 

Ambasadorët ndërkombëtarë në vendin "njëzëri" dënuan veprimet e dhunshme në protestë nga qytetarët. Ndërkohë në përgjigjen e tij, Këlliçi përmes një postimi në Facebook ka pasqyruar atë që ndodhi 2 muaj më parë në Bruksel në një protestë para zyrave të BE-së.

“Një përshëndetje për të gjithë qytetarët shqiptarë kudo janë dhe partnerët ndërkombëtarë, me foto nga protesta e fermerëve e zhvilluar vetëm 2 muaj më parë, më 26 shkurt 2024, në Bruksel, ngjitur me zyrat qëndrore të Bashkimit Evropian. Të gjithë ndërkombëtarët e veçanërisht evropianët, duhet të pranojnë në Shqipëri të njëjtin standard që pranojnë për vendet e tyre . Ne NUK jemi dhe NUK mund të trajtohemi si një vend i botës së tretë!” – shkroi Këlliçi në Facebook.

belind këlliçi

Sondazh

Poll