Politike

“Policë të maskuar në turmë?” Alimehmeti: Ne u dalim përpara gjërave, nuk veprojmë me skema anonime

Ai tha se ata po u dilnin përpara gjërave dhe nuk po vepronin me skema anonime.

19 Prill 2024, 12:39 Nga M.B
“Policë të maskuar në turmë?” Alimehmeti: Ne u
Ilir Alimehmeti

TIRANA- Këshilltari i PD-së në Bashkinë e Tiranës, Ilir Alimehmeti, në fjalën e tij në protestën përpara këtij institucioni shtroi pyetjen se përse ka policë të maskuar si civilë brenda turmës. Ai tha se Bashkia e Tiranës është bërë një vend krimi dhe se ky institucion e ka për detyrë të thotë se ku shkojnë paratë e qytetarëve. Ai shtoi se ata po u dilnin përpara gjërave dhe nuk po vepronin me skema anonime.

“Ky është shteti i krimit, kjo është bashkia e krimit. Kjo bashki këtu vetëm vjedh përditë qytetarët. Bashkia Tiranë duhet të thotë se ku shkojnë paratë. Pse ka policë të maskuar si civilë në turmë?

Këtë të na shpjegojë ky shtet. Këta kanë frikë nga gjithçka, janë frikacakë. Ata shefa policie që marrin urdhra, ndryshojnë nga ne. Ne u dalim përpara gjërave, nuk veprojmë me skema anonime”, tha Alimehmeti.

protesta para bashkise se tirane

Sondazh

Poll