Politike

Koalicioni me Berishën, Meta: PD ka probleme organizimi, ia kam thënë doktorit

Sipas tij, Partia Demokratike duhet të ndajë mendjen të vijë në pushtet , mos të rrijë në opozitë. 

18 Prill 2024, 22:10 Nga r.ll
Koalicioni me Berishën, Meta: PD ka probleme organizimi, ia kam
ilir meta

TIRANË- Kryetari i Partisë së Lirisë, i ftuar në Syri Tv është pyetur për koalicionin "Bashkë Fitojmë " me Partinë Demokratike.

Meta u shpreh se humbja e koalicionit erdhi edhe sepse PD ka probleme organizimi të cilat i ka pasur dhe më herët dhe vazhdon ende t'i ketë. Sipas tij, Partia Demokratike duhet të ndajë mendjen të vijë në pushtet, mos të rrijë në opozitë. 

PJESË NGA DISKUTIMI: 

Abrozia Meta: Jeni shprehur pak të pakënaqur me mënyrën se si ka funksionuar koalicioni opozitar. A do të shkoni në zgjedhje vetëm apo në koalicion me PD?

Ilir Meta: Së pari partia e dashur Demokratike, që pas Berishës mendoj se kam bërë më shumë dhe pastaj mund të jap me fakte, ka një problem të madh me organizimin. Artan Hoxha, presidenti më ka thënë që shumë të bukur për organizimin e PD, që kjo parti lindi si një parti mitingu dhe për fat të keq vazhdon ashtu që mbahet te karizma e Berishës dhe raporti i tij me masat.

PD ka pasur gjithmonë probleme organizimi dhe unë këto i’a kam thënë doktorit dhe e kam ndier kur ishim në koalicion në zgjedhjet e 2011 sepse e përqëndroi të gjithë punën te ministrat dhe drejtorët dhe kjo krijoi një pakënaqësi të madhe te militantët të cilët ishin shmangur injoruar siç na ka ndodhur edhe ne. Kostot i kanë marrë njerëzit e ndershëm dhe ata kanë marrë përfitimet abuzimet dhe janë bërë rilindësa.

PD e ka pasur këtë problem që kur ishte Berisha, PD e thelloi akoma më shumë me zotin Bashën që ishte mjeshtër për ç’organizim dhe demotivim.

PD duhet të ndajë mendjen që të vijë në pushtet dhe të mos kalojë kohën në opozitë. Që të vijë në pushtet duhet një organizim perfekt, kjo gjë mungon, unë e ndjeva që PD ishte e ç’organizuar në zgjedhjet vendore. Kishte shpresa që do merrte vulën në prag të zgjedhjeve gjë që s’mund të ndodhte kurrë. Për këshilltarët ishte e paqartë se si do të zgjidheshin, dhe u krijua një kaos shumë i madh në fund fare.

Kam vajtur në Fier për të dhënë përkrahjen për zotin Kodheli, kam vajtur pa më thirrur njeri dhe në takim me strukturat e LSI-së 200 veta ishte vetëm kandidati me bluzën e vetë dhe asnjë tjetër, unë u irritova dhe i kërkova të rinjve se përse nuk i kanë të veshur, ata më thanë që nuk kanë ardhur dje, shumë vonë, vetëm 1 javë para zgjedhjeve. Kur pamë selinë e PD-së, u them që të shkojmë të takojmë ata njerëz, dhe kur vajtëm ne atje, dera mbyllur skishim as çelës me vete, ishte bosh, e vetmja gjë e mirë që mora bluzat dhe i thash atyre të rinjve ti vishnin dhe të dilnin me kandidatin. Partia e Lirisë është me nënë Selvinë.

ilir meta partia demokratike

Sondazh

Poll

MË SHUMË