Sport

Djali i Ancelottit, Davide, ishte ai që zgjodhi lojtarë që ekzekutuan penalltitë për Realin

Sipas ‘Relevo’, djali i Carlos dhe asistenti i Realit, Davide Ancelotti, ishte ai që zgjodhi lojtarë do të ekzekutonin penalltitë vendimtare në “ruletën ruse” ndaj Manchester Cityn.

18 Prill 2024, 19:38 Nga DOSJA
Djali i Ancelottit, Davide, ishte ai që zgjodhi lojtarë që

ANGLI - Në një ndeshje të bujshme, që shkoi te penalltitë (1-1 në kohën e rregullt dhe në shtesë), Reali mundi kampionët e Europës, Manchester Cityn, me rezultatin 4-3, duke e eliminuar nga Champions League dhe duke marrë biletën për në "Top 4".

Protagonist për skuadrën madrilene ishte sigurisht portieri Andrei Lunin, i cili priti gjuajtjet e Bernardo Silvës dhe Mateo Kovacic dhe hapi terrenin për kualifikim, me penalltinë e fundit të ekzekutuar nga Antonio Riediger.

Bellingham, Lucas, Nacho dhe Rudiger e vendosën topin para portierit Ederson të Cityt, teksa në një raport nga ‘Relevo’ thuhet se ai që zgjodhi se cilët lojtarë do të ekzekutonin penalltitë për Realin, ishte Davide Ancelotti, djali i Carlos dhe ndihmësi i tij si trajner.

"Kur kishin mbetur katër ose pesë minuta, nisi të mendojë dhe të shkruajë teksa i kishte përcaktuar pesë lojtarët që do të ekzekutonin penalltitë. I pari ishte Modric, më pas Bellingham, Lucas, Nacho, një lojtar me përvojë e personalitet dhe Rudiger, një lojtar i fortë”,- raportohet të ketë zgjedhur Davide Ancelotti, i cili kuptohet, që gjithçka e ka konsultuar edhe me të jatin, në përfundim të shtesave.

B.T (Dosja.al)

Sondazh

Poll

MË SHUMË