Politike

"Instrument që qeveria do ta ushtronte në abuzim", projektligji për Prefektin e Qarkut, Tabaku: Ligji bën vetëm rregullime kozmetike, nuk kapet me thelbin

Ajo shtoi se i vjen mirë që kur ky ligj erdhi në parlament u tërhoq një prej elementëve që kishte të bënte me kompetencën e prefektit për të shkarkuar kryetarin e bashkisë.

18 Prill 2024, 13:26 Nga M.B
"Instrument që qeveria do ta ushtronte në abuzim",
Jorida Tabaku

TIRANA- Deputetja e Partisë Demokratike, Jorida Tabaku në fjalën e saj në seancën plenare të ditës së ku po diskutohet projektligji për “Prefektin e Qarkut” tha se ky ligj ka vetëm disa rregullimi kozmetike. Sipas Tabakut, ligji nuk është marrë me thelbin. Ajo shtoi se i vjen mirë që kur ky ligj erdhi në parlament u tërhoq një prej elementëve që kishte të bënte me kompetencën e prefektit për të shkarkuar kryetarin e bashkisë.

"Ligji për prefektin duhet të kishte ngjall debat. Ligji për prefekti ka disa kohë që diskutohet për te ardhur dhe me vjen mirë që kur erdhi u tërhoq një prej elementeve e cila kishe të bënte me kompetencën për shkarkimin e kryetarit të bashkisë. Është një instrument që qeveria do ta ushtronte në abuzim, ashtu siç ka bërë gjithmonë.

Së dyti pak kohë më parë parlamenti përfundoi një komision të reformës territoriale. I cili nisi në shtator 2021 me dakordesi e dy palëve, me idenë që tashme 10 vite pa zbatimit te kësaj reforme gjysmake, sepse nuk KA prekur 3 nivelet e qeverisjes. Ky komision prodhoi disa sugjerime për të pasur një strategji integrale te plotë, se pari për kompetencat që duhet të ketë çdo nivel qeverisë dhe si duhet të funksionojë pushteti vendor.

Sot ardhja e ligji te prefektit që ben disa rregullime kozmetike dhe nuk  kapet me thelbin, për mua është një ligj rutinë që nuk ndryshon thelbin e kësaj situate. Sipas Bankës Botërore, reforma e decentralizimit transferoi disa përgjegjësi dhe shërbime publikr nga qeveria te autoritet lokale, por zbatimi i saj ishte i gabuar.

Një sërë shërbimesh sot nuk afrohen në pushtetin lokal. Nëse ky parlament do të fliste për një reformë të mirëfillte do të fliste per zbatimin e strategjisë së decentralizimit për përgjegjësitë e prefektit dhe për mënyrën se si gabimet e reformës së parë territoriale duhet të kompesoheshin", tha Tabaku.

seance plenare 18 prill 2024

Sondazh

Poll

MË SHUMË