Bota

Bllokimi i autobusëve nga Serbia, reagon Sanduloviç: Kam vite që paralajmëroj politikat nacionaliste të Vuçiç!

Në reagimin e tij Sanduloviç u shpreh se e ai e ka paralajmëruar Bashkimin Evropian dhe Shtetet e Bashkuara të Amerikës për politikën që përdor presidenti i Serbisë, Aleksandar Vuçiç.

17 Prill 2024, 14:34 Nga N.F
Bllokimi i autobusëve nga Serbia, reagon Sanduloviç: Kam vite
Nikolla Sanduloviç

SERBI- Politikani opozitar serb, Nikolla Sanduloviç ka reaguar në lidhje me bllokimin e autobusëve të Kosovës në kufi nga Serbia. Në reagimin e tij Sanduloviç u shpreh se e ai e ka paralajmëruar Bashkimin Evropian dhe Shtetet e Bashkuara të Amerikës për politikën që përdor presidenti i Serbisë, Aleksandar Vuçiç.

Ai ka theksuar se ai Vuçiç ka një politikë nacionaliste, kjo pasi qindra shqiptarë të Kosovës  nuk u lejuan të kalojnë kufirin Kroaci-Serbi dhe Hungari-Serbi me letërnjoftime.

“Unë kam vite që flas dhe paralajmëroj se cila është politika e Aleksandër Vuçiçit dhe cili është qëllimi i tij përfundimtar. Të gjithë në BE dhe SHBA ranë në gjumë për shkak të negociatave të tij afatgjata dhe gënjeshtrave që i tha publikut ndërkombëtar, ndërsa në të njëjtën kohë ai ndoqi politikën e tij të vjetër nacionaliste në Serbi,” shkruan ai.

“E kam thënë atëherë, e them edhe tani, vetëm Partia Republikane në Serbi mund të sjellë paqe të qëndrueshme dhe zgjidhje të plotë për Serbinë dhe Kosovën. Diçka e tillë, të cilën Vuçiç po e zbaton, çon vetëm në konflikt dhe katastrofë të pashmangshme”, shtoi Sanduloviç.


Pa kaluar akoma 24 orarë nga dhënia e dritës jeshile nga Asambleja Parlamentare e Këshillit të Europës për avancimin përpara të Kosovës në KiE është regjistruar një incident nga pala Serbe. Sekretari i Zyrës ndërlidhëse të Kosovës në Serbi, Fatmir Haxholli ka bërë të ditur se në autoritetet kufitare të Serbisë, në pikëkalimin Batrovci, Serbi – Kroaci, nga mesnata po mbahen të bllokuar së paku katër autobusë me targa dhe udhëtarë, qytetarë të Republikës së Kosovës.

nikolla sanduloviç tensionet ne veri te kosoves serbia vucic

Sondazh

Poll

MË SHUMË