Bota

Policia gjermane ngrihet në "këmbë", kryejnë dhjetra kontrolle për goditjen e një bande ndërkombëtare të kontrabandimit të njerëzve, në pranga 10 persona

Më shumë se 1,000 oficerë policie kontrolluan dhjetëra shtëpi, dyqane dhe zyra në të gjithë Gjermaninë perëndimore dhe jugore dhe arrestuan 10 të dyshuar, duke përfshirë dy avokatë.

17 Prill 2024, 13:51 Nga N.F

 

Policia gjermane ngrihet në "këmbë", kryejnë
Foto ilustruese

BERLIN- Autoritetet gjermane kanë kryer ditën e sotme bastisje në shkallë të gjerë kundër një bande ndërkombëtare të kontrabandës me njerëz. Më shumë se 1,000 oficerë policie kontrolluan dhjetëra shtëpi, dyqane dhe zyra në të gjithë Gjermaninë perëndimore dhe jugore dhe arrestuan 10 të dyshuar, duke përfshirë dy avokatë.

Gjithsej 38 anëtarë të dyshuar të bandës, si dhe 147 persona të tjerë që dyshohet se kanë paguar për t'u kontrabanduar prej saj, janë duke u hetuar. Dy avokatët, 42 dhe 46 vjeç dhe nga zona e Këlnit, janë të dyshuarit kryesorë, tha policia federale. Emrat e të dyshuarve nuk janë dhënë, në përputhje me rregullat gjermane të privatësisë.

Të dyshuarit akuzohen se kanë përfituar në mënyrë të paligjshme nga rregullat e veçanta gjermane të imigracionit të rezervuara për punëtorë të huaj të kualifikuar për të marrë leje qëndrimi për rreth 350 shtetas kryesisht kinezë, të cilët nuk plotësojnë kriteret e nevojshme, në këmbim të qindra mijëra eurove.

Nëpërmjet firmave të tyre ligjore, dy të dyshuarit kryesorë thuhet se kanë rekrutuar shtetas të huaj të pasur për kontrabandë kryesisht nga Kina, por edhe nga vendet arabe. Policia tha se klientët paguanin firmat ligjore nga 30,000 deri në 350,000 euro për ndihmë të paligjshme me viza. Avokatët e dyshuar dhe ndihmësit e tyre dyshohet se i përdorën paratë për të krijuar kompani false, për të financuar rezidenca të supozuara dhe për të falsifikuar pagesat e supozuara të pagave, duke mbajtur “shuma jo të parëndësishme” për t'u pasuruar, raportoi dpa.

Bastisje u kryen në shtetet e North Rhine-ëestphalia, Schlesëig-Holstein, Hesse, Rheinland-Pfalz, Baden-ëuerttemberg dhe Bavaria, Hamburg dhe Berlin ku policia sekuestroi asete dhe mblodhi prova.

 

gjermani policia arrestrim kontrabande

Sondazh

Poll

MË SHUMË