Bota

VIDEO/ E pazakontë në Brazil, mbesa dërgon xhaxhain e vdekur në bankë për të marrë kredi

Burri, i identifikuar si Paulo Roberto Braga, 68 vjeç, sigurisht që nuk firmosi asnjë dokument pasi ishte i vdekur kur hyri në degën në Rio de Janeiro, Brazil.

17 Prill 2024, 12:21 Nga S.B
VIDEO/ E pazakontë në Brazil, mbesa dërgon xhaxhain e vdekur
pamje nga ngjarja

BRAZIL- Një grua është arrestuar pasi futi xhaxhain e saj të vdekur në një bankë dhe u përpoq ta detyronte atë të nënshkruante një hua (kredi) prej 2500 paund. Burri, i identifikuar si Paulo Roberto Braga, 68 vjeç, sigurisht që nuk firmosi asnjë dokument pasi ishte i vdekur kur hyri në degën në Rio de Janeiro, Brazil.

Punonjësit e degës ishin të dyshimtë për veprimet e gruas, Érika de Souza Vieira Nunes, e cila tha se ishte mbesa e kufomës. Policia tani po heton nëse ajo kishte lidhje me të moshuarin, i cili kishte disa orë që kishte vdekur kur hyri në ndërtesë me një karrige me rrota.

Gruaja pohoi në komisariat se shpesh kujdesej për viktimën. Një video, e marrë nga punonjësit e bankës, tregon se ajo vazhdimisht përpiqej ta mbante kokën e tij, duke përdorur dorën dhe duke folur me të afërmin e supozuar.

“Xhaxha, po dëgjon, duhet të firmosësh, nëse nuk e firmos, skam si të firmos, nuk mund të firmos për ty” thotë gruaja.

Në atë moment, punonjësit tentojnë të ndërhyjnë dhe njëri prej tyre komenton zbehjen e burrit duke thënë: Nuk është mirë, jo, ngjyra e tij nuk është normale.

Trupi i pajetë i të moshuarit është dërguar në Institutin e Mjekësisë Ligjore.

brazil kufome

Sondazh

Poll

MË SHUMË