Aktualitet

Tentoi të digjte me benzinë ish-bashkëshorten, dënohet me 12 vite burg 52-vjeçari shqiptar në Greqi: Nuk më linte të shikoja fëmijët!

52-vjeçari më 29 dhjetor të viti 2022 ka larë me benzinë ​​ish-bashkëshorten , teksa ajo po dilte nga makina e saj me djalin e tyre 17-vjeçar duke tentuar për ti djegur.

16 Prill 2024, 17:29 Nga N.F
Tentoi të digjte me benzinë ish-bashkëshorten, dënohet me 12
Gjykata

GREQI- Një 52-vjeçar shqiptar është dënuar më dënim total prej 12 vitesh burgim nga Gjykata e Volosit për tentativë vrasje dhe zjarrvënie në tentativë. 52-vjeçari më 29 dhjetor të viti 2022 ka larë me benzinë ​​ish-bashkëshorten , teksa ajo po dilte nga makina e saj me djalin e tyre 17-vjeçar duke tentuar për ti djegur.

Djali i ish-çiftit ka reaguar i qetë dhe ka arritur të ndalojë të atin, për pasojë nëna ka arritur të largohet dhe të shkojë në polici. Sipas të njëjtave informacione, autori, me profesion ndërtues, ishte akuzuar edhe më parë për trafik droge dhe i është ndaluar dalja jashtë vendit.

Në deklaratën e tij, i akuzuari dëshmoi se nuk kishte ndërmend t'i vinte zjarrin gruas me të cilën ishin divorcuar, por nuk e linte të shihte fëmijën e tyre, si pasojë e kishte pushtuar dëshpërimi pasi ishte ditë feste.  Ish-bashkëshortja e tij, nga ana tjetër, ka treguar se i pandehuri i është afruar me kapuç dhe doreza dhe duke mbajtur në duar dy çakmakë, gjë që i ka shkaktuar frikën dhe shqetësimin për jetën e saj dhe të fëmijës.

Prokurori i rrethit propozoi ndryshimin e akuzës në tentativë për dëmtim të brendshëm dhe tentativë për dëmtim të rëndë të pronës së huaj, por Gjykata iu përmbajt akuzave fillestare dhe dënimi ishte i gjatë.

greqi burg shqiptar

Sondazh

Poll

MË SHUMË